Mae deliwr cyffuriau o Gaerdydd wedi ei garcharu am bron i saith mlynedd.

Mae deliwr cyffuriau o Gaerdydd wedi ei garcharu am bron i saith mlynedd.

Shaquille Hatim, 24, oedd prif aelod llinell cyffuriau 'Alfie' a oedd yn gweithredu o Drelái.

Cafodd ei arestio ar ôl i swyddogion cudd ei weld yn gwerthu cyffuriau ar Mill Road ar 20 Ebrill, 2024.

Gwnaethant ei wylio'n gadael ac yn dychwelyd i'r un cyfeiriad, ac yn fuan wedyn, aethant mewn i'r eiddo drwy orfodaeth.

Y tu mewn daethpwyd o hyd i 41 o rolion unigol o grac cocên. Hefyd, daethpwyd o hyd i £27,989 a 5,065 o Ewros.

 

 

O weld pecynnau maint-cilogram gwag yn y cyfeiriad roedd yn amlwg bod Hatim yn gyflenwr cyffuriau Dosbarth A sylweddol pan gafodd ei arestio.

Credir bod Hatim wedi dechrau llinell cyffuriau 'Alfie' i osgoi swyddogion, ar ôl i linell cyffuriau a alwyd yn llinell cyffuriau 'S', gael ei chau gan yr heddlu yn Ionawr, 2024.

Yn ardal Trelái roedd Hatim yn cyflenwi cyffuriau yn bennaf, gan gydgysylltu tîm o 'redwyr' i wneud ei waith. Ond roedd hefyd yn gwerthu cyffuriau i bobl ledled de Cymru.

Cafodd Hatim ei arestio a'i gyhuddo o ymwneud â chyflenwi heroin a chrac cocên, meddu ar eiddo troseddol ac o fod â chrac cocên yn ei feddiant gyda'r bwriad o'i gyflenwi.

Plediodd yn euog a chafodd ei garcharu ddydd Gwener, 4 Hydref, am 78 o fisoedd.