Dyn o Gastell-nedd Port Talbot wedi'i garcharu am troseddau rhyw plant

Mae dyn o Gastell-nedd Port Talbot wedi cael ei garcharu am sawl achos o ymosod yn rhywiol ac am fod â lluniau anweddus yn ei feddiant.

Cafodd John Charles, 65 oed o Lansawel, ei adnabod ar ôl i'r dioddefwr, sy'n blentyn, roi gwybod i athro yn yr ysgol amdano.

Cafodd pum llun anweddus Categori A o blant eu canfod ar liniadur Charles yn ddiweddarach.

Cafodd ei ddedfrydu i ddeng mlynedd yn y carchar yn Llys y Goron Abertawe.  

Dywedodd y Ditectif Gwnstabl Sophie Davies:

"Cymerodd John Charles fantais lwyr ar blentyn diamddiffyn er mwyn cyflawni cyfres o ymosodiadau rhywiol erchyll.

"Roedd yn amlwg yn peri risg enfawr i eraill, plant yn benodol, felly heb os, ei anfon i'r carchar am gyfnod hir yw'r peth cywir i'w wneud."

Gellir dod o hyd i ganllawiau ar sut i roi gwybod am achos o dreisio, ymosodiad rhywiol neu drosedd rywiol arall yma: Sut i roi gwybod am achos o dreisio, ymosodiad rhywiol neu droseddau rhywiol eraill | Heddlu De Cymru (south-wales.police.uk)

Os nad ydych chi'n siŵr a ydych chi'n barod i roi gwybod amdano, rydym wedi casglu gwybodaeth yma i'ch helpu i benderfynu ai riportio yw’r cam cywir i chi.