Carcharu dyn o Faglan am droseddau rhyw yn erbyn plant
Cynnwys y prif erthygl
Mae dyn o Gastell-nedd Port Talbot wedi cael ei garcharu ar ôl iddo gael ei ganfod yn euog o sawl trosedd rhyw yn erbyn plant.
Cafodd Craig Botterill, 32 oed o Faglan, ei ganfod yn euog o Ymosodiad rhywiol, Ymosodiad rhywiol drwy dreiddio a Threisio plentyn.
Mae Botterill wedi cael ei ddedfrydu i ddeng mlynedd yn y carchar yn Llys y Goron Abertawe yr wythnos hon. Bydd ei enw ar y gofrestr troseddwyr rhyw am oes.
Dywedodd y Ditectif Arolygydd Sharon Gill-Lewis:
"Mae'r ymchwiliad hwn, dan arweiniad y Ditectif Gwnstabl Jessica Williams, wedi arwain at euogfarnu a dedfrydu Craig Botterill – unigolyn peryglus sydd wedi achosi niwed eithriadol i'r dioddefwr, yn gorfforol ac yn feddyliol.
"Hoffwn ganmol dewrder anhygoel y dioddefwr wrth roi gwybod i ni am yr ymosodiad hwn, sydd wedi ein galluogi i ddod ag unigolyn peryglus o flaen ei well.
"Rwy'n gobeithio y bydd y ddedfryd hon yn annog dioddefwyr eraill camdriniaeth rywiol i gysylltu â ni. Byddwn yn eich credu ac yn gwneud popeth o fewn ein gallu i ddwyn troseddwyr o flaen eu gwell, ni waeth pryd y digwyddodd y drosedd.
"Rydym yn cymryd pob honiad o gamdriniaeth rywiol o ddifrif. Mae gennym dimau sydd wedi'u hyfforddi'n arbennig sy'n ymchwilio i droseddau rhywiol ac yn rhoi cymorth i ddioddefwyr. Os ydych wedi profi troseddau o'r fath, byddwn yn gwrando arnoch, a byddwn yn eich credu."
Mae ein canllaw ar gymorth i'r rhai sydd wedi dioddef trais ac ymosodiad rhywiol ar gael yma: Cymorth ar gyfer treisio ac ymosodiadau rhywiol | Heddlu De Cymru (south-wales.police.uk)
Gallwch weld ein gwybodaeth a'n canllaw ategol ar roi gwybod am droseddau rhywiol yma: Rhoi gwybod am droseddau rhywiol: Gwybodaeth a chanllaw ategol | Heddlu De Cymru (south-wales.police.uk)