Apêl ar ôl gwrthdrawiad angheuol Aberpennar

Mae Heddlu De Cymru yn ymchwilio i wrthdrawiad traffig ffordd a ddigwyddodd ar Heol Caerdydd, Aberpennar, tua 4.50pm ddoe (dydd Sadwrn 17 Mehefin).

Bu bws mewn gwrthdrawiad â gyrrwr beic ac, er gwaethaf ymdrechion gorau aelodau o'r gwasanaethau brys, cafodd y gyrrwr beic, dyn 48 oed o Aberpennar ei ddatgan yn farw yn y fan a'r lle.

Dywedodd yr Arolygydd Dai Patalano:

“Roedd y ffordd ar gau am sawl awr yn dilyn y digwyddiad, a hoffem ddiolch i'r cyhoedd am eu hamynedd yn ystod y cyfnod hwn.

“Cafodd gyrrwr y bws, dyn 51 oed, ei arestio mewn cysylltiad â'r drosedd. Mae wedi cael ei ryddhau o dan ymchwiliad.

“Mae swyddogion sy'n ymchwilio i'r gwrthdrawiad yn apelio ar unrhyw un a fu'n dyst neu sydd â fideo o gamera dashfwrdd o'r gwrthdrawiad i gysylltu â ni gan ddyfynnu 2300199828.”

• Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• E-bost [email protected]
• 101

Ffoniwch 999 bob amser mewn argyfwng.