Resolfen – Enwi Dioddefwr Gwrthdrawiad Angheuol

Mae'r dyn a fu farw mewn gwrthdrawiad traffig ffordd ar yr A465 ger Resolfen tua 7pm nos Wener 8 Medi wedi cael ei enwi fel Jonathan Davies, 32 oed o Gastell-nedd.

Mae teulu Jonathan Davies, a alwyd yn ‘Archie’ gan ei ffrindiau, wedi talu'r deyrnged ganlynol:

Jonathan oedd mab annwyl Carole, a'i ddiweddar dad, Allan (Tojo). Roedd yn ŵyr annwyl i'r diweddar Hilda ac yn nai i'r diweddar Keith, ac i Terry, Ann, Peter a Malvern. Bydd ei holl gefndryd a'i gyfnitherod a'i ffrindiau lu yn ei golli'n fawr.

Cafodd Jonathan ei fagu yng Nghastell-nedd ac roedd yn golffiwr brwdfrydig o oedran ifanc. Enillodd Uwch-bencampwriaeth Clwb Golff Castell-nedd pan oedd yn 15 oed. Roedd Jonathan wedi meithrin rhwydwaith cadarn o ffrindiau yng Nghastell-nedd ac yng Nglyn-nedd drwy ei gariad at golff a rygbi. Roedd gan bawb a oedd wedi ei gyfarfod ac a oedd yn ei adnabod feddwl mawr ohono.

Roedd Jonathan wrth ei fodd yng nghwmni eraill a bydd llawer yn gweld ei eisiau'n fawr. Mae ei deulu'n ddiolchgar am yr holl negeseuon caredig a chefnogol a gawsant gan ffrindiau Jonathan. Mae gan bawb a oedd yn ei adnabod stori ddoniol i'w rhannu am amser y gwnaethant ei dreulio gydag ef. Roedd yn ddyn caredig ac roedd ganddo amser i'w ffrindiau bob amser.

Mae'r newyddion trist wedi ein synnu a'n llorio, a gofynnwn am breifatrwydd ar yr adeg hon i geisio dod i delerau â'r hyn sydd wedi digwydd. Roedd gan lawer o bobl feddwl mawr o Jonathan a bydd colled fawr ar ei ôl.“

Mae Heddlu De Cymru wrthi'n apelio am dystion i'r gwrthdrawiad a gofynnir i unrhyw un sydd â gwybodaeth gysylltu â ni gan ddyfynnu'r cyfeirnod 2300304093.

🗪 Sgwrs Fyw https://www.south-wales.police.uk/cy-GB/

💻 Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

📧 E-bost [email protected]

📞 101

Ffoniwch 999 bob amser mewn argyfwng.

Neu 📞Crimestoppers yn ddienw ar 0800 555 111