Digwyddiad Stryd Marion, Y Sblot: Apêl am wybodaeth

Mae Heddlu De Cymru yn parhau i ymchwilio i ddigwyddiad yn Y Sblot, Caerdydd sydd wedi gadael dyn ag anafiadau difrifol i'w ben.

Mae ditectifs yn awyddus i siarad ag unrhyw un a oedd yn ardal Stryd Marion ddoe (ddydd Sul 5 Mawrth) rhwng 1.00pm a 3pm.

Dywedodd y Ditectif Uwch-arolygydd Darren George: “Brynhawn dydd Sul, tua 2.30pm, galwyd Heddlu De Cymru i adroddiad am ddyn ag anafiadau difrifol i'w ben ar Stryd Marion, Y Sblot.

“Mae ymholiadau helaeth yn mynd rhagddynt i gadarnhau sut y cafodd yr unigolyn yr anafiadau hyn ac rydym yn apelio ar unrhyw un sydd â gwybodaeth i gysylltu â ni.

“Rydym yn annog unrhyw un a oedd yn yr ardal rhwng 1.00pm a 3pm, neu unrhyw un a allai fod â deunydd fideo teledu cylch cyfyng neu ddeunydd fideo camera dashfwrdd, i gysylltu â ni."

Cafodd y dyn, 40 oed, a oedd wedi'i anafu ei gludo i Ysbyty Athrofaol Cymru, Caerdydd, lle mae'n parhau i fod mewn cyflwr difrifol.

Os gallwch helpu, cysylltwch â Heddlu De Cymru drwy un o’r ffyrdd canlynol, gan ddyfynnu cyfeirnod: 2300072488.

🗪 Sgwrs Fyw (9am-4pm, o ddydd Llun i ddydd Gwener) https://www.south-wales.police.uk/cy-GB/

💻 Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

📧 E-bost [email protected]

📞 101

Ffoniwch 999 bob amser mewn argyfwng.

Cysylltwch â Crimestoppers ar 0800 555 111 i roi gwybodaeth yn ddienw.