Yn Eisiau: Zulfkar Sheblan a Caine Morse

Mae elusen Crimestoppers yn cynnig gwobr o hyd at £1,000 am wybodaeth a fydd yn arwain at arestio a chyhuddo Zulfkar Sheblan a Caine Morse, y mae'r heddlu yn chwilio amdanynt mewn perthynas â chynllwynio i Gyflenwi Cyffuriau Dosbarth A a Gwyngalchu Arian.

Ym mis Mawrth 2020, credir y bu Sheblan a Morse yn rhan o Grŵp Troseddu Cyfundrefnol, yr oeddent yn cynllwynio gyda Grwpiau Troseddu Cyfundrefnol eraill yn y DU ac mewn gwledydd tramor er mwyn sicrhau a chyflenwi symiau mawr o gyffuriau Dosbarth 'A' a reolir, gan gynnwys heroin a chocên yng Nghaerdydd a Chasnewydd a'r cyffiniau.

Anogir y cyhoedd i beidio dynesu at Mr Sheblan na Mr Morse, ond i gysylltu â Crimestoppers yn ddienw neu ffonio'r heddlu yn syth.

***Mae Crimestoppers – sy'n annibynnol ar yr heddlu – yn cynorthwyo'r ymchwiliad trwy gynnig gwobr o hyd at £1,000 am wybodaeth ddienw y bydd yn ei chael ar-lein trwy Crimestoppers-uk.org neu trwy ffonio rhif rhadffôn 0800 555 111 – a fydd yn arwain at arestio Zulfkar Sheblan a Caine Morse.***

Dywedodd Hayley Fry, Rheolwr Rhanbarthol Crimestoppers, Cymru:  “Fel elusen sy'n annibynnol ar yr heddlu, rydym wastad wedi cadw ein haddewid i gadw pobl yn ddienw – rydym wedi cynorthwyo miliynau o bobl sydd wedi ymddiried ynom trwy gyfleu eu gwybodaeth am droseddu ers i ni gael eich sefydlu tua diwedd y 1980au.

“Ffoniwch ein Canolfan Gyswllt yn y DU ar y rhif rhadffôn 0800 555 111, sydd ar agor 24 awr y dydd, saith niwrnod yr wythnos, neu ewch ati i lenwi'r ffurflen ar-lein syml a diogel ar ein gwefan yn ddienw. Ni fydd unrhyw un yn gwybod eich bod wedi cysylltu â ni. Efallai y byddwch yn gymwys i gael gwobr hefyd, ac ni fydd unrhyw ddarn o wybodaeth yn rhy fach i ni ei gael.”