Byrgleriaethau yn gostwng 17%
Cynnwys y prif erthygl
Mae ymchwilio i fwrgleriaethau wedi parhau'n flaenoriaeth i Heddlu De Cymru wrth i ni gydnabod pa mor ofnadwy a thrawmatig yw'r teimlad ar ôl i rywun dorri i mewn i'ch cartref.
Rydym yn mynychu pob galwad o fwrgleriaeth yn y cartref ac yn cynnig cefnogaeth i ddioddefwyr a all fod yn arbennig o agored i niwed, megis yr henoed sy'n byw ar eu pen eu hunain.
Cafodd archwiliad diweddar ei gynnal ar yr heddlu a oedd yn nodi bod cyfradd y gwaith o ymchwilio ac atal troseddau yn 'dda', sy'n cydnabod y gwaith effeithiol rydym yn ei wneud yn y meysydd hyn.
Gwelwyd lleihad o 17% mewn achosion o fwrgleriaeth preswyl yn Ne Cymru dros chwe mis cyntaf 2022, o gymharu â'r un cyfnod y llynedd, ac o gymharu â chynnydd mewn ardaloedd eraill yn y DU. Ein heddlu sydd â'r cofnod gorau o ddwyn troseddwyr bwrgleriaeth o flaen eu gwell yng Nghymru a Lloegr.
Byddwn yn parhau i ymdrechu i gynyddu nifer y troseddwyr a gaiff eu dwyn o flaen eu gwell a gweithio gyda'n cymunedau i atal bwrgleriaeth yn y lle cyntaf.