Apêl i ddod o hyd i 'Samariad trugarog' Cwm Taf
Cynnwys y prif erthygl
Rydym yn apelio am help i ddod o hyd i Samariad trugarog a ddaeth i helpu menyw a ddioddefodd ymosodiad wrth gerdded ar hyd cronfa ddŵr Llwyn-Onn, ger Cwm Taf, Merthyr Tudful tua 8pm nos Sadwrn, 6 Awst.
Roedd y fenyw 26 oed, sy'n dod o Ferthyr Tudful, yn cerdded ei chi o gwmpas y gronfa ddŵr. Wrth gerdded ar hyd y llwybr rhwng y gronfa ddŵr a'r A470, daeth unigolyn anhysbys ati o'r tu cefn iddi, ei tharo a cheisio cydio yn nhennyn y ci.
Ar yr un pryd, roedd gwr hŷn yn cerdded tuag atynt a ffodd yr ymosodwr o'i weld. Yna, eisteddodd y dyn ar fainc gerllaw ac aros gyda'r dioddefwr hyd nes iddi ddod ati ei hun ar ôl y digwyddiad a mynd gartref yn ddiogel.
Dywedodd yr Arolygydd Mike Rudall:
“Roedd y digwyddiad hwn yn un trallodus iawn i'r dioddefwr a hoffwn gysylltu â'r Samariad trugarog a ddaeth i'w helpu.
“Efallai y bydd gan y gŵr bonheddig wybodaeth a fydd o gymorth i ni adnabod yr unigolyn a wnaeth ymosod ar y dioddefwr ac a geisiodd ddwyn ei chi.
“Mae digwyddiadau fel hyn yn anarferol dros ben. Hoffwn roi tawelwch meddwl i'r cyhoedd ein bod yn patrolio'r ardal yn rheolaidd ac yn gweithio gyda'n partneriaid yn Dŵr Cymru a Cyfoeth Naturiol Cymru i ddarparu lleoedd diogel i ymweld â nhw a cherdded ynddynt.”
Os mai chi yw'r 'Samariad trugarog' neu'n gwybod pwy ydyw o bosibl, cysylltwch â ni gan ddyfynnu rhif cyfeirnod 2200266147.