Rhondda Cynon Taf, Merthyr & Pen-y-bont ar Ogwr

Mae Uned Ymddygiad Gwrthgymdeithasol Pen-y-bont ar Ogwr yn targedu rhai sy’n cyflawni trais ac ymddygiad gwrthgymdeithasol o fewn yr economi nos (NTE) yng nghanol trefi y gaeaf hwn.

Maent yn gweithio mewn partneriaeth â’u Timau Trwyddedu, y tri awdurdod lleol ac aelodau’r cynllun National Pub Watch i adnabod pobl o fewn yr ardal sy’n ymddwyn mewn ffordd sy’n cael effaith andwyol ar ansawdd bywyd y rhai yn y gymuned leol.

Bydd Sioeau Teithiol Atal Troseddau yn Llwynypia yn cynghori siopwyr a phobl fregus ar sut i guddio yr hyn maent wedi prynu ac unrhyw anrhegion rhag lladron. Y nod yw helpu pobl i fod yn wyliadwrus yn ogystal â chwrdd â'u PCSOs lleol.