Hysbysiad o Wrandawiad Camymddygiad yr Heddlu

Bydd Heddlu De Cymru yn cynnal Gwrandawiad Camymddygiad yr Heddlu yn unol â darpariaethau Rheoliadau'r Heddlu (Ymddygiad) 2020, gan ddechrau am 10.00am ddydd Mercher 25 Tachwedd 2026 yng Nghanolfan Waterton, Pen-y-bont ar Ogwr, CF31 3WT.

Bydd y gwrandawiad yn cael ei glywed gan banel annibynnol dan gadeiryddiaeth Mr Ian Arundale, yng nghwmni dau aelod annibynnol.

Mae Swyddog yr Heddlu sy'n destun yr achos wedi gwneud cais i gynnal y gwrandawiad yn breifat a rhoi cyfyngiadau ar waith o ran adrodd.

Mae Mr Arundale wedi gorchymyn cyhoeddi Hysbysiad o Wrandawiad ac mae'n gwahodd sylwadau gan unrhyw Barti â Buddiant a allai fod yn dymuno gwrthwynebu cais y Swyddog am wrandawiad preifat a gorchymyn cyfyngiadau adrodd.

Mae'r swyddog dan sylw yn wynebu honiadau ei fod wedi torri'r Safonau Ymddygiad Proffesiynol isod, yn sgîl darparu gwybodaeth anwir yn y broses fetio, mynediad anawdurdodedig at systemau cyfrifiadurol Heddlu De Cymru a methu datgelu gwrthdaro buddiannau mewn treial troseddol.

Safon 1 - Gonestrwydd ac Uniondeb

Safon 5 - Gorchmynion a Chyfarwyddiadau

Safon 7 - Cyfrinachedd

Safon 9 – Ymddygiad Annheilwng

Os oes Parti â Buddiant neu gynrychiolydd o'r cyfryngau sy'n dymuno gwneud sylwadau o dan Reoliad 36 (3) a/neu 36 (5) o Reoliadau'r Heddlu (Ymddygiad) 2020 i wrthwynebu cais y swyddog, dylai gyflwyno sylwadau o'r math yn ysgrifenedig, eu cyfeirio at y Cadeirydd a'u hanfon i Swyddfa'r Wasg Heddlu De Cymru erbyn 30 Medi 2026 fan bellaf.

Bydd y Cadeirydd yn gwneud penderfyniad terfynol ar ôl ystyried unrhyw sylwadau a wneir yn llawn.