Sut i riportio FGM
Yn yr adran hon:
| 1. Anffurfio organau cenhedlu benywod (FGM) |
| 2. Sut i riportio FGM |
| 3. Sefydliadau cymorth FGM |
Os ydych chi'n amau bod rhywun wedi cyflawni FGM, neu'n meddwl bod rhywun rydych chi'n eu hadnabod wedi dioddef, neu y gallai ddioddef yn fuan, mae sawl ffordd y gallwch riportio’r peth.
rhybudd 999
A oes rhywun mewn perygl ar hyn o bryd? A oes trosedd yn cael ei chyflawni neu a oes un newydd ddigwydd? Os felly, ffoniwch 999 nawr a gofynnwch am yr heddlu. Os oes gennych nam ar eich clyw neu’ch lleferydd, defnyddiwch ein gwasanaeth ffôn testun 18000 neu tecstiwch ni ar 999 os ydych wedi cofrestru ymlaen llaw gyda’r gwasanaeth SMS brys.
Riportio ar-lein
Os hoffech chi riportio ar-lein, gallwch ddefnyddio’n gwasanaeth riportio troseddau ar-lein sy’n ddiogel ac yn gyfrinachol.
Mae pob adroddiad a wneir drwy ddefnyddio'r gwasanaeth hwn yn cael ei adolygu gan ein canolfan gysylltu 24/7 o fewn ychydig oriau a bydd rhywun yn cysylltu â chi mewn dau ddiwrnod fan bellaf (ond yn gyflymach fel arfer).
Ffoniwch 101
Os hoffech chi siarad â rhywun, mae’n rhif ffôn cenedlaethol pan nad oes argyfwng yn cael ei staffio 24/7. Ffoniwch ni ar 101 a riportiwch yr hyn a ddigwyddodd neu gofynnwch am gyngor.
Ewch i orsaf heddlu
Os hoffech chi siarad â rhywun yn bersonol, gallwn ddarparu amgylchedd diogel a chyffyrddus yn unrhyw un o'n gorsafoedd heddlu.
Sylwer
Os ydych yn weithiwr proffesiynol a reoleiddir, megis gweithiwr iechyd, gweithiwr cymdeithasol neu athro/athrawes, mae’n ofynnol i chi yn ôl y gyfraith i riportio unrhyw achosion ‘hysbys’ o FGM yn uniongyrchol wrth yr heddlu ar ein rhif di-argyfwng 101. Os oes gennych nam ar eich clyw neu’ch lleferydd, defnyddiwch ein gwasanaeth ffôn testun 18001 101.
Mae ‘hysbys’ yn golygu eich bod naill ai wedi canfod yn weledol bod FGM wedi’i gyflawni, neu eich bod wedi cael datgeliad ar lafar gan y ferch yr effeithiwyd arni.
Ffyrdd eraill i riportio FGM
Os byddai'n well gennych siarad â rhywun arall cyn riportio’r peth i'r heddlu, gallwch gysylltu â’r canlynol:
- llinell gymorth genedlaethol FGM ar 0800 028 3550.
- yr NSPCC i siarad ag ymarferydd proffesiynol
tîm gofal cymdeithasol plant eich awdurdod lleol - Crimestoppers yn gyfrinachol ac yn ddienw
Os ydych chi'n blentyn, fe allech chi hefyd siarad â rhywun rydych chi'n ymddiried ynddo, fel ffrind, athro/athrawes neu oedolyn arall a gofyn iddyn nhw riportio’r peth ar eich rhan a'ch helpu chi.