Annog hunan-niweidio difrifol
Yn yr adran hon:
| 1. Beth yw annog neu gynorthwyo hunan-niweidio difrifol? |
| 2. Beth gallwch chi ei wneud: riportio’r peth i ni |
| 3. Riportio i gwmnïau cyfryngau cymdeithasol os digwyddodd y peth ar-lein |
| 4. Help a chymorth |
Annog neu gynorthwyo hunan-niweidio difrifol yw pan fydd rhywun yn ceisio’ch perswadio i niweidio'ch hun neu'n eich helpu i niweidio'ch hun.
Mae trosedd o'r enw 'niwed corfforol difrifol' yn cael ei ddefnyddio i asesu lefel y niwed sy'n cael ei annog.
Mae hyn yn golygu anafiadau i chi'ch hun fel torri esgyrn, toriadau dwfn i'r croen neu anffurfiad. Mae niwed difrifol arall, fel newynu, yn cael ei ystyried hefyd.
Does dim rhaid i'r niwed corfforol fod yn barhaol.
Gall ddigwydd ar-lein neu all-lein a gall gynnwys pethau fel:
- anfon postiadau yn y cyfryngau cymdeithasol atoch yn dweud wrthoch chi am niweidio'ch hun
- anfon dolenni atoch i wefannau sydd o blaid hunan-niweidio neu o blaid anorecsia
- eich annog i roi'r gorau i gymryd meddyginiaeth sydd ei hangen arnoch
- rhywun yn rhoi llafn rasel i chi a’ch annog i dorri'ch hun
Mae'n dal yn drosedd hyd yn oed os na fyddwch chi'n niweidio'ch hun mewn gwirionedd, er gwaethaf y pwysau neu'r anogaeth.
Dyw hyn ddim yn golygu eich annog i roi cynnig ar hunanladdiad, er bod hynny'n drosedd hefyd.
Efallai na fyddwch chi’n siŵr pwy sy’n gwneud hyn neu pam. Dyw hynny ddim yn bwysig. Rydych chi’n dal yn gallu riportio’r peth i ni a byddwn ni’n penderfynu sut i fynd ar ôl y manylion y byddwch chi’n eu rhoi.