Rhannu gwybodaeth ffug
Yn yr adran hon:
| 1. Beth yw rhannu gwybodaeth ffug? |
| 2. Beth gallwch chi ei wneud: riportio’r peth i ni |
| 3. Riportio i gwmnïau cyfryngau cymdeithasol os digwyddodd y peth ar-lein |
| 4. Help a chymorth |
Rhannu gwybodaeth ffug yw pan fydd rhywun yn creu neu'n rhannu gwybodaeth maen nhw'n gwybod ei bod yn ffug a'u bod yn ei dosbarthu er mwyn achosi niwed difrifol.
Gallai’r wybodaeth ffug gael ei hanfon atoch chi neu at grŵp o bobl, fel grŵp Facebook neu WhatsApp, gallai gael ei phostio ar ap neu fforwm yn y cyfryngau cymdeithasol, neu ei hargraffu ar boster neu daflen.
Gallai gynnwys pethau fel:
- postio fideo neu neges i grŵp yn y cyfryngau cymdeithasol a allai achosi aflonyddwch neu drais mewn cymuned
- rhoi neges ffug amdanoch chi ar hysbysfwrdd yn yr ysgol, y coleg neu’r gwaith a honno wedi’i bwriadu i achosi niwed difrifol ichi; er enghraifft, gallai'r neges ffug ddweud eich bod wedi cyflawni trosedd pan maen nhw’n gwybod eich bod chi heb gyflawni trosedd
Weithiau mae gwybodaeth ffug yn cael ei galw’n 'newyddion ffug', 'twyllwybodaeth' neu 'camwybodaeth’. Y peth sy'n gwneud rhannu gwybodaeth ffug yn drosedd yw os oes rhywun yn gwybod bod yr wybodaeth maen nhw'n ei chreu neu'n ei rhannu yn ffug a'u bod nhw’n ei rhannu gyda'r bwriad o achosi niwed corfforol neu feddyliol difrifol. Hyd yn oed os mai dim ond unwaith y bydd yn digwydd, mae'n dal yn drosedd.
Efallai na fyddwch chi’n siŵr pwy anfonodd yr wybodaeth ffug neu beth oedd eu bwriad nhw wrth anfon. Dyw hynny ddim yn bwysig. Rydych chi’n dal yn gallu riportio’r peth i ni a byddwn ni’n penderfynu sut i fynd ar ôl y manylion y byddwch chi’n eu rhoi.