Camdriniaeth plant gan gyfoedion
Mae camdriniaeth plant gan gyfoedion yn derm sy’n cael ei ddefnyddio i ddisgrifio plant yn cam-drin plant eraill.
Gall camdriniaeth plant gan gyfoedion gynnwys:
- bwlio (gan gynnwys bwlio ar-lein a bwlio oherwydd hil, crefydd, rhywioldeb, anabledd, neu statws traws rhywun)
- camdriniaeth gan eich cariad neu’ch partner
- camdriniaeth gorfforol
- trais rhywiol, fel treisio ac ymosodiadau rhywiol
- aflonyddu rhywiol
- rhannu lluniau neu fideos noeth neu led-noeth heb ganiatâd
- uwchsbecian
- trais a defodau derbyn er mwyn aflonyddu, cam-drin a bychanu
- camdriniaeth emosiynol
- camdriniaeth ariannol
- rheolaeth drwy orfodi
Gweld yr arwyddion
Pethau i gadw llygad amdanyn nhw os ydych chi’n amau bod plentyn yn dioddef camdriniaeth plant gan eu cyfoedion:
- absenoldeb o'r ysgol neu ddiffyg diddordeb mewn gweithgareddau ysgol
- anafiadau corfforol nad oes modd eu hesbonio
- materion iechyd meddwl neu emosiynol
- eu pen yn eu plu neu’n dangos diffyg hunan-barch
- diffyg cwsg
- camddefnyddio alcohol neu sylweddau
- newidiadau sydyn mewn ymddygiad
- ymddygiad amhriodol
- dangos ymddygiad niweidiol tuag at bobl eraill neu eu hunain (hunan-niwed, pyliau treisgar)
Riportio
Os ydych chi’n amau bod camdriniaeth plant gan gyfoedion yn digwydd, mae hi bob amser yn well riportio'r peth.