Eich tîm plismona cymdogaeth
Mae plismona yn y gymdogaeth wrth wraidd ein dull o gadw De Cymru'n ddiogel. Mae eich tîm lleol yn cynnwys swyddogion a swyddogion cymorth cymunedol yr heddlu ymroddedig, sy'n gweithio yn yr ardal er budd y gymuned ac sy'n weladwy ac yn hygyrch.
Rydym yn gweithio'n agos gyda thrigolion, arweinwyr cymunedol, eich cyngor lleol a phartneriaid eraill i ddeall pryderon y gymuned ac ymateb iddynt. Drwy gydweithio a chanolbwyntio ar ymyrryd yn gynnar, atal a datrys problemau, gallwn ddarparu atebion hirdymor i broblemau lleol.
Yn ogystal â'r wybodaeth ar y dudalen hon, gallwch ddysgu mwy am droseddu a gweithgarwch plismona yn eich cymuned, yn ogystal â chael manylion cyswllt eich tîm lleol, drwy De Cymru yn Gwrando.
Mae cofrestru ar gyfer De Cymru yn Gwrando hefyd yn rhoi cyfle i chi roi gwybod i'ch tîm plismona cymdogaeth am y materion sydd bwysicaf i chi, yn ogystal â chymryd rhan mewn arolygon i'n galluogi i ddeall pryderon yn eich cymuned yn well.
Byddwn hefyd yn rhoi gwybod i chi am ddigwyddiadau ymgysylltu lleol, cyngor ar atal troseddau ac, o bryd i'w gilydd, am weithgarwch plismona pwysig yn eich ardal.
Troseddau a blaenoriaethau
Ynglŷn â'r map troseddau hwn
Data’r heddluoedd lleol sy’n cael ei ddefnyddio yn y map hwn. Syniad bras yn unig o ble digwyddodd troseddau sy’n cael ei roi gan y mannau problemus. Mae’r gwir leoliadau a manylion y troseddau yn cael eu cadw'n ddienw.
Sylwch nad oes modd dangos pob trosedd a ddigwyddodd ar y map.
Doedd dim modd mapio 301 o ddigwyddiadau Troseddau yn Heddlu De Cymru i leoliad ac felly dydyn nhw ddim ar y map hwn. Rhagor o wybodaeth am sut mae data'n cael ei reoli ar police.uk.
Mae canlyniadau anonymeiddio lleoliadau yn gywir yn unol â phoblogaeth a datblygiadau tai 2012.
Mae anawsterau hysbys ynglŷn â data heddluoedd wedi’u nodi yn y changelog ar data.police.uk.