Gwasanaeth Riportio Gwrth-lygredigaeth a Cham-drin yr Heddlu
Mae Gwasanaeth Riportio Gwrth-lygredigaeth a Cham-drin yr Heddlu yn rhoi llwybr dienw i’r cyhoedd riportio gwybodaeth am swyddog, aelod o staff neu wirfoddolwr yr heddlu, y maent yn credu sy’n llwgr neu’n cyflawni gweithredoedd o gam-drin difrifol.
Cynhelir y gwasanaeth riportio gan yr elusen annibynnol Crimestoppers.
Pan fydd pobl yn cysylltu â’r gwasanaeth, gallant ddewis aros yn gwbl ddienw, neu gallant adael eu manylion os ydynt yn fodlon i dîm ymchwilio’r heddlu gysylltu â hwy’n uniongyrchol.
Beth i’w adrodd
Cysylltwch â’r gwasanaeth drwy ffonio 0800 085 0000 neu drwy wefan Crimestoppers i roi gwybodaeth sydd gennych am swyddog, aelod o staff neu wirfoddolwr yr heddlu yn y DU, sy’n:
- darparu gwybodaeth neu ddylanwad yn gyfnewid am arian neu ffafrau
- defnyddio ei safle plismona er mantais bersonol - boed yn ariannol neu fel arall
- croesi ffiniau proffesiynol at ddibenion rhywiol
- cam-drin neu’n rheoli eu partner, neu’r rhai y mae ganddynt berthynas â nhw
- cymryd rhan mewn ymddygiad hiliol, homoffobig neu wreig-gasaol, ar ddyletswydd neu pan nad yw ar ddyletswydd, yn bersonol neu ar-lein
Beth i’w riportio yn rhywle arall
Os ydych chi, neu rywun arall, mewn perygl uniongyrchol neu fod trosedd yn digwydd, ffoniwch 999.
Ffoniwch 101 ar gyfer ymholiadau nad ydynt yn rhai brys.
Os oes gennych wybodaeth am drosedd, gallwch riportio trosedd ar-lein.
Os nad ydych yn hapus gyda’r gwasanaeth a gawsoch gallwch wneud cwyn ar-lein.