Allanfa Gyflym
Rydym yn defnyddio rhai cwcis hanfodol i wneud i’n gwefan weithio. Hoffem osod cwcis ychwanegol fel y gallwn gofio eich dewisiadau a deall sut rydych yn defnyddio ein gwefan.
Gallwch reoli eich dewisiadau a gosodiadau cwcis unrhyw bryd drwy glicio ar “Addasu cwcis” isod. I gael rhagor o wybodaeth am sut rydym yn defnyddio cwcis, gweler ein Hysbysiad cwcis.
Mae eich dewisiadau cwcis wedi’u cadw. Gallwch ddiweddaru eich gosodiadau cwcis unrhyw bryd ar y dudalen cwcis.
Mae eich dewisiadau cwcis wedi’u cadw. Gallwch ddiweddaru eich gosodiadau cwcis unrhyw bryd ar y dudalen cwcis.
Mae’n ddrwg gennym, roedd problem dechnegol. Rhowch gynnig arall arni.
Diolch am roi cynnig ar fersiwn 'beta' ein gwefan newydd. Mae'n waith ar y gweill, byddwn yn ychwanegu gwasanaethau newydd dros yr wythnosau nesaf, felly cymerwch gip a gadewch i ni wybod beth yw eich barn chi.
Mae dyn o'r Rhondda wedi cael ei ddedfrydu i ddegawdau yn y carchar ar ôl cyflawni nifer o droseddau rhywiol yn y gorffennol, gan gynnwys treisio dau ddioddefwr o dan 16 oed.
Cafodd Ceri Williams, 71 oed o ardal Glynrhedynog, ei ddedfrydu yn Llys y Goron Abertawe ddydd Mawrth 10 Tachwedd. Fe’i cafwyd yn euog yn yr achos llys o 15 cyhuddiad o dreisio plentyn, anwedduster gyda phlentyn, ymosod yn anweddus ar blentyn, a chymryd rhan mewn gweithgarwch rhywiol gyda phlentyn.
Cyflawnodd Williams rai o'r troseddau yn ei fan hufen iâ, lle y gorfododd un o’i ddioddefwyr ifanc i gyflawni gweithgareddau rhywiol tra roedd Williams wrthi ar ei rowndiau.
Cafodd un dioddefwr ei gam-drin yn gyson dros gyfnod o sawl blwyddyn. Arweiniodd hyn at ganlyniadau dinistriol i’r dioddefwr am flynyddoedd wedi’r ymosodiadau.
Mewn datganiad a ddarllenwyd yn y llys, dywedodd un dioddefwr nad yw'n ymddiried mewn pobl mwyach a'i fod yn ddioddef ôl-fflachiadau. Byddai hefyd yn deffro yng nghanol y nos yn sgrechian.
Disgrifiodd dioddefwr arall sut mae hi'n teimlo'n fud yn emosiynol ers y profiad a bod ganddi hanes o sgwrio ei chroen nes ei fod yn gwaedu ac o ymolchi mewn diheintydd.
Cafodd Wiliams ddedfryd arbennig o garchar am gyfnod o 25 mlynedd fel troseddwr sy'n peri pryder arbennig. Bydd yn treulio 24 mlynedd yn y carchar a bydd ganddo gyfnod estynedig o flwyddyn ar drwydded. Gall gyflwyno cais i'r Bwrdd Parôl i gael ei ryddhau wedi iddo dreulio dwy ran o dair o'i ddedfryd, sy’n golygu y bydd yn 87 oed cyn y gellir ystyried ei ryddhau.
Dywedodd Ditectif Cwnstabl Ceri Davies:
"Cyflawnodd Ceri Williams y troseddau mwyaf erchyll drwy ymosod ar ei ddioddefwyr dros nifer o flynyddoedd. Wrth wneud hynny, mae wedi gadael creithiau meddyliol y mae’r dioddefwyr yn parhau i'w dioddef hyd heddiw. Mae'r dioddefwyr yn yr achos hwn wedi dangos dewrder aruthrol y mae'n rhaid ei ganmol, a hynny er mwyn sicrhau bod eu camdriniwr yn cael ei ddwyn i gyfrif am ei droseddau. Byddai Ceri Williams wedi credu ar un adeg ei fod wedi osgoi cael ei ddal am gyflawni’r troseddau ffiaidd hyn, ond diolch i ddewrder ei ddioddefwyr, bydd yn treulio cyfnod hir yn y carchar fel y mae'n haeddu."