Mae'r heddlu sy'n ymchwilio i ddiflaniad Ricky Harris wedi arestio dyn
Cynnwys y prif erthygl
Mae'r heddlu sy'n ymchwilio i ddiflaniad Ricky Harris wedi arestio dyn.
Cafodd y dyn 41 oed o Aberpennar ei arestio ar amheuaeth o atal claddu cyfreithlon a gwyrdroi cwrs cyfiawnder mewn cysylltiad â diflaniad Ricky.
Mae'n parhau i fod yn y ddalfa ac mae'r ymchwiliad yn parhau.
Mae teulu Ricky wedi cael gwybod y diweddaraf ac maen nhw’n parhau i gael eu cefnogi gan Heddlu De Cymru.
Cafodd Ricky ei weld ddiwethaf ar deledu cylch cyfyng tua 2.20pm ar 18 Tachwedd, 2023, ym Maes-y-Deri, Aberdâr.
Ers hynny, mae'r ymchwiliad i ddod o hyd i Ricky wedi bod yn gynhwysfawr ac mae swyddogion yn adolygu gwybodaeth newydd trwy’r amser.
Mae swyddogion yn chwilio safle Ffwrnaseit yn Abercwmboi, rydym yn disgwyl y bydd hyn yn cymryd peth amser i'w gwblhau ond rydym yn gwneud ein gorau glas i gyfyngu ar unrhyw darfu ar y rhai sy'n defnyddio'r mannau cyhoeddus.
Gofynnwn i unrhyw un a allai fod wedi gweld Rick neu siarad ag e’ yn y dyddiau neu'r wythnosau cyn ei ddiflaniad, neu unrhyw un sydd ag unrhyw wybodaeth arall ynglŷn â'i leoliad, gysylltu â Heddlu De Cymru. Gallai eich gwybodaeth wneud yr gwahaniaeth enfawr yn yr ymchwiliad hwn.
Cysylltwch â ni gan ddyfynnu rhif digwyddiad 2300394323