Lleidr mynych wedi'i wahardd o bob Tesco Express, Spar a Co-op yng Nghaerdydd

Rhoddwyd Gorchymyn Ymddygiad Troseddol (CBO) am ddwy flynedd i Phillip James yn Llys Ynadon Caerdydd

Yn dilyn ei euogfarnau diweddar am chwe throsedd o ddwyn o siopau, rhoddwyd Gorchymyn Ymddygiad Troseddol (CBO) am ddwy flynedd i Phillip James yn Llys Ynadon Caerdydd ar 24 Mehefin.

Cyfaddefodd James, 58, ei fod wedi dwyn siocled, glanedydd a chig, o'r siop Spar, Heol Abergele, Trowbridge.

Hefyd cafodd ei garcharu am bedwar mis.

Fel rhan o'r CBO, rhaid i James adael unrhyw siop adwerthu neu adeilad cyhoeddus pan fo aelod o staff, swyddog diogelwch, swyddog yr heddlu neu swyddog y cyngor yn gofyn iddo wneud hynny.

Rhaid iddo beidio â mynd i mewn i unrhyw siop Co-op, Spar neu Tesco Express yng Nghaerdydd am y ddwy flynedd nesaf.

Nod y CBO yw atal troseddu ac amddiffyn y gymuned, gweithwyr lleol, ac aelodau'r cyhoedd rhag gofid a tharfu parhaus a niwed posibl.

Mae Heddlu De Cymru yn gweithio'n agos gyda manwerthwyr a busnesau i'w hamddiffyn rhag troseddau ac ymddygiad gwrthgymdeithasol gan unigolion fel Phillip James.

Gall dwyn o siopau gael effaith ddinistriol ar weithwyr siop a manwerthwyr.

Mae'r achos hwn yn dangos ein hymrwymiad i fynd i'r afael â lladrata o siopau a chefnogi'r diwydiant.

 Dylid rhoi gwybod i'r heddlu am ddigwyddiadau ac achosion o dorri gorchmynion.

 💻Riportiwch ar-lein drwy https://www.south-wales.police.uk/cy-GB/riportio/riportio

📞 101

Ffoniwch 999 bob amser mewn argyfwng.