Gwrthdrawiad angheuol ar yr A48 Heol Margam: yr Heddlu'n apelio a'r teulu'n talu teyrnged

Mae Heddlu De Cymru'n parhau i ymchwilio i wrthdrawiad traffig ffyrdd angheuol a ddigwyddodd ar ffordd yr A48, am 12.22pm ar 6 Mai 2026.

Digwyddodd y gwrthdrawiad ar ffordd yr A48 Heol Margam rhwng Parc Groeswen a'r cyffordd â Stryd Rhanallt, ac roedd pedwar cerbyd yn rhan ohono: Vauxhall Agila, Citroen Picasso, Rover 45 ac MG3. 

Trosglwyddwyd gyrrwr y Vauxhall Agila i'r ysbyty ond bu farw'n ddiweddarach o ganlyniad i'w anafiadau.Gallwn gadarnhau mai Brian William Bodenham, 80 oed, o Fargam oedd ef.

Mae ei deulu wedi talu teyrnged iddo fel a ganlyn:

"Bu farw Brian yn heddychlon ar 18 Mai 2026, yng nghwmni ei deulu cariadus. Roedd Brian yn ŵr annwyl i'r ddiweddar Catherine. Roedd yn dad cariadus i Gary a Darren, yn dad-yng-nghyfraith annwyl i Amanda a Joanne, ac yn dad-cu annwyl iawn i Joseph, Hollie ac Olivia ac yn frawd cariadus i Valerie. Bydd colled fawr ar ôl Brian ymysg pawb a oedd yn ei adnabod a'i garu. Hoffem ofyn am breifatrwydd ar yr adeg hon, wrth i ni geisio ymdopi â'n colled, a hoffem ofyn i bobl beidio â dyfalu ynghylch y ddamwain tra bod yr ymchwiliad yn parhau."

Mae'r Uned Ymchwilio i Wrthdrawiadau Difrifol yn apelio at unrhyw dystion a welodd y gwrthdrawiad, unrhyw un sydd â delweddau o gamera borden flaen, neu unrhyw un a welodd sut roedd y ceir yn cael eu gyrru cyn y gwrthdrawiad, am gysylltu â nhw drwy 101 gan nodi'r cyfeirnod 2600140685.