Achos o drywanu yng Ngabalfa: Unigolyn dan amheuaeth wedi'i arestio

Mae ditectifs sy’n ymchwilio i achos o drywanu yng Ngabalfa, Caerdydd, wedi arestio bachgen 17 oed.

Mae’r bachgen, sy’n dod o ardal Caerau yng Nghaerdydd, yn parhau yn y ddalfa ar amheuaeth o achosi niwed corfforol difrifol yn fwriadol, ymosod drwy guro, bod â chyllell yn ei feddiant, a bod â chanabis yn ei feddiant gyda’r bwriad o’i gyflenwi.

Cafodd ei arestio mewn cysylltiad â digwyddiad ym Mharc Lydstep a arweiniodd at drywanu dau fachgen 16 a 17 oed ychydig cyn 7pm ddydd Sul 31 Mai.

Bu’n rhaid i'r dioddefwyr gael triniaeth feddygol yn Ysbyty Athrofaol Cymru, Caerdydd. Mae'r ddau bellach wedi cael eu rhyddhau o'r ysbyty.

Wrth i swyddogion arestio'r bachgen neithiwr (dydd Mercher 3 Mehefin), fe arestiwyd dyn 61 oed am affräe hefyd.

Dywedodd y Ditectif Arolygydd Phil Marchant, o Heddlu De Cymru: “Mae arestio'r bachgen 17 oed hwn yn ddatblygiad arwyddocaol yn yr ymchwiliad, o ganlyniad i’r ymholiadau helaeth a gynhaliwyd ers i ni gael gwybod am y digwyddiad. 

“Hoffem ddiolch i'r gymuned leol am eu cefnogaeth a'r wybodaeth rydyn ni wedi'i chael.

“Mae'r dioddefwyr a'u teuluoedd wedi cael gwybod ac mae'r ymchwiliad yn parhau.”

Gofynnir i dystion neu unrhyw un sydd â lluniau teledu cylch cyfyng gysylltu â Heddlu De Cymru neu Crimestoppers yn ddienw, gan ddyfynnu 2600170643

💻Cysylltwch â ni ar-lein yn https://bit.ly/SWPProvideInfo

📞Ffoniwch 101 neu Crimestoppers yn ddienw ar 0800 555 111.

Ffoniwch 999 bob tro mewn argyfwng.