Carcharwyd dyn o Bort Talbot ar ôl cyflenwi cyffuriau Dosbarth A
Cynnwys y prif erthygl
Mae dyn o Gastell-nedd Port Talbot wedi cael ei garcharu ar ôl iddo bledio'n euog i gyflenwi cyffuriau Dosbarth A.
Roedd Leighton Burgess, 38 oed, o Bort Talbot, yn meddu ar ffôn symudol a oedd yn gysylltiedig â negeseuon yn manylu ar gyflenwi cyffuriau pan gafodd ei arestio ym mis Ebrill.
Roedd ei rif wedi cael ei adnabod wrth lawrlwytho o ffonau tri dyn arall a arestiwyd am droseddau cyffuriau yn gynharach eleni.
Ym mis Mai, plediodd Burgess yn euog i fod yn ymwneud â chyflenwi cocên, diazepam a pregabalin.
Mae wedi cael ei ddedfrydu i dair blynedd yn y carchar.
Dywedodd y Ditectif Arolygydd Richard George:
"Efallai bod Leighton Burgess wedi mwynhau llwyddiant ariannol byrdymor pan ddewisodd ymwneud â chyffuriau Dosbarth A, ond yn y pen draw roedd ef bob amser yn mynd i gael ei anfon i'r carchar.
"Gallwch chi ond ddechrau dychmygu effaith negyddol y cyffuriau y mae Leighton Burgess wedi'u gwerthu ar y rhai hynny sydd wedi eu cymryd, heb sôn am eu ffrindiau, eu teulu a'u cymunedau ehangach.
"Dyma ddedfryd dda arall yn ymwneud â chyffuriau, sy'n anfon neges nad yw'r fasnach gyffuriau yn talu yn y diwedd - bydd ein swyddogion yn dod o hyd i chi a byddwch chi'n mynd i'r carchar."