Carcharu pedwar dyn yn dilyn digwyddiad cyllell yn Abertawe

Mae pedwar dyn wedi cael eu carcharu mewn cysylltiad ag anhrefn dreisgar yng nghanol dinas Abertawe lle cafodd nifer o bobl eu trywanu.

Ymatebodd swyddogion i adroddiad am aflonyddwch yn St. Helen’s Road, Sandfields, Abertawe tua 10:15pm nos Fercher 24 Medi.

Cafodd Mohabat Adreemzai, 20 oed o'r Barri, Bro Morgannwg, a thri dyn o Abertawe - Yasir Aryan, 19 oed o Brynmill, Mahfuz Uddin, 24 oed o Waun-wen, a Mohammed Uddin, 26 oed o Townhill - eu harestio yn ddiweddarach mewn cysylltiad â’r digwyddiad a arweiniodd at gludo tri pherson i’r ysbyty.

Plediodd Adreemzai a Mahfuz Uddin yn ddieuog i anhrefn dreisgar a bod â llafn cyllell/eitem lafnog finiog yn eu meddiant mewn man cyhoeddus, ond fe'u cafwyd yn euog o'r ddwy drosedd. Cafwyd Aryan yn euog o anhrefn dreisgar a bod ag arf ymosodol yn ei feddiant mewn man cyhoeddus. Fe gafwyd Mohammed Uddin yn euog o anhrefn dreisgar.

Mae Mahfuz Uddin wedi cael ei ddedfrydu i 39 mis yn y carchar. Mae Mohabat Adreemzai wedi cael ei ddedfrydu i 36 mis yn y carchar. Mae Mohammed Uddin wedi cael ei garcharu am 24 mis, ac mae Yasir Aryan wedi derbyn dedfryd o 21 mis o garchar.

Dywedodd y Ditectif Gwnstabl Corrie Lawford:

"Roedd y golygfeydd hyn yn rhai treisgar iawn oedd yn ymwneud â grŵp mawr o ddynion ifanc, ac nid oes lle i ymddygiad o'r fath ar strydoedd Abertawe.

"Mae cyllyll yn dinistrio bywydau, ac yn yr achos hwn, bydd pedwar dyn yn mynd i'r carchar. Rydyn ni newydd gynnal Wythnos Ymwybyddiaeth Troseddau Cyllyll, felly mae'r ddedfryd hon yn amserol iawn. Mae'n dangos y byddwn ni’n dal unrhyw un sy'n ymwneud â throseddau cyllyll yn ein cymunedau a dwyn yr unigolion hyn o flaen eu gwell.”