Carcharu dyn o Sandfields ar ôl i'r heddlu ddarganfod ei fod yn rhan o ymgyrch cyffuriau Dosbarth A

Mae dyn o Gastell-nedd Port Talbot wedi cael ei garcharu am gyflenwi cyffuriau Dosbarth A.

Roedd Marcus Howell, 35 oed o Sandfields, yn destun gwarant ar ôl i'r heddlu dderbyn gwybodaeth ei fod yn ymwneud â chyflenwi cyffuriau. Canfuwyd bod ganddo arian parod a ffôn symudol yn ei feddiant yn ystod y warant, a daeth swyddogion o hyd i gyffuriau a reolir ac eitemau llafnog.

Yn dilyn profion, cadarnhawyd mai cocên ac amffetaminau oedd y cyffuriau hyn.

Ar 5 Mai, plediodd Howell yn euog i ymwneud â chyflenwi cocên, bod â chocên yn ei feddiant, ceisio cael amffetaminau gyda'r bwriadu o'u cyflenwi, a bod ag eiddo troseddol yn ei feddiant.

Mae wedi cael ei ddedfrydu i 45 mis yn y carchar heddiw.

Dywedodd y Ditectif Ringyll Samuel Stanway:

"Penderfynodd Marcus Howell gyflenwi cyffuriau Dosbarth A i wneud arian yn gyflym, gan anwybyddu peryglon y cyffuriau hyn i'r bobl sy'n eu defnyddio.

"Mae llawer gormod o bobl fel Marcus wedi troi at gyffuriau Dosbarth A oherwydd eu bod yn meddwl bod hyn yn ffordd hawdd o wneud arian. Ffordd hawdd o fynd i’r carchar ydyw mewn gwirionedd, fel y mae Marcus Howell wedi’i ddysgu."