Ymosodiad rhywiol yn y Barri: Apêl a chyhoeddi llun e-ffit

Mae ditectifs sy'n ymchwilio i ymosodiad rhywiol yn y Barri wedi rhyddhau llun e-ffit o'r unigolyn dan amheuaeth.

Digwyddodd yr ymosodiad yn ardal Merthyr Dyfan rywbryd rhwng 5.30am ac 8am ddydd Sul 12 Gorffennaf.

Ers i'r digwyddiad brawychus hwn gael ei riportio, rydym wedi cynnal ymchwiliad trylwyr, gan gynnwys adolygu lluniau teledu cylch cyfyng a chynnal ymholiadau o ddrws i ddrws.

Mae ditectifs bellach yn gwneud apêl gyhoeddus am wybodaeth.

Roedd menyw yn cerdded adref o siop gyfagos pan wnaeth dyn anhysbys ymosod arni.

Yn ôl y disgrifiad mae’r dyn yn wyn, rhwng 5 troedfedd 4 modfedd a 5 troedfedd 6 modfedd o daldra, yn ei ugeiniau, ac yn fawr o gorff. Mae ganddo wallt brown golau ac nid oes ganddo farf.

Roedd yn cario can o lager ac yn gwisgo trowsus tracwisg llwyd.

Nid oes unrhyw ddigwyddiadau tebyg wedi cael eu riportio yn yr ardal.

Gofynnir i unrhyw un sy'n meddwl ei fod yn adnabod y person dan amheuaeth neu sydd ag unrhyw wybodaeth neu ddeunydd fideo i gysylltu â Heddlu De Cymru gan ddyfynnu'r cyfeirnod 2600222188.

• Ar-lein drwy https://bit.ly/SWPProvideInfo
• Ffonio 101 neu Crimestoppers yn ddienw ar 0800 555 111.

Ffoniwch 999 bob amser mewn argyfwng.

Mae Heddlu De Cymru yn cymryd pob adroddiad am drais rhywiol o ddifrif, ac nid yw byth yn rhy hwyr i roi gwybod am drosedd.

Byddem yn annog pob dioddefwr, ni waeth pryd y digwyddodd y drosedd, i roi gwybod amdani.

Gall rhoi gwybod am achos o drais rhywiol, ymosodiad rhywiol neu unrhyw drosedd rywiol arall fel dinoethi anweddus, fod yn anodd.

Rydym yma i'ch cefnogi os byddwch yn barod i roi gwybod am achos neu os byddai'n well gennych siarad â rhywun arall.

Rhoi gwybod am drais rhywiol, ymosodiad rhywiol a throseddau rhywiol eraill | Heddlu De Cymru