Ymgyrch: arestio 144 o bobl ledled Caerdydd a'r Fro

Mae dros 140 o bobl, gan gynnwys siopladron honedig, troseddwyr treisgar a lladron wedi cael eu harestio fel rhan o ymgyrch yr heddlu ledled Caerdydd a Bro Morgannwg.

Nod yr ymgyrch pum diwrnod oedd rhoi unigolion y mae'r heddlu yn chwilio amdanynt yn y ddalfa

O'r 144 o bobl a arestiwyd, arestiadau digymell oedd 39 ohonynt wrth i swyddogion fynychu digwyddiadau. Roedd y 105 a oedd yn weddill yn rhai yr oedd yr heddlu yn chwilio amdanynt ac yn bwriadu eu harestio.

Mae nifer o'r rheini a arestiwyd naill ai wedi cael eu galw yn ôl i'r carchar neu wedi'u cyhuddo, gan gynnwys y canlynol:

• Mae Jacob Lawday, 19 oed, o'r Barri, wedi cael ei gyhuddo o ddau ymgais i fwrgleriaeth ym Mhenarth a Sili, ac un fwrgleriaeth ym Mhenarth.
• Mae Karl Legg, 40 oed, wedi'i gyhuddo o fwrgleriaeth yng Nghlwb Chwaraeon a Chymdeithasol Trelái, lladrad a lladrata.
• Cafodd Samuel Delaney, 45 oed, heb breswylfa sefydlog, ei gyhuddo o saith achos o siopladrata. Ymddangosodd yn Llys Ynadon Caerdydd ar 18 Medi a'i garcharu am 20 wythnos.
• Cafodd Ryan Marquardt, 34, o Butetown, ei gyhuddo o ddwyn pedwar beic a cherbyd modur. Plediodd yn euog a chafodd ei roi yn y carchar am 24 wythnos wedi'i ohirio am 12 wythnos

Dywedodd yr Arolygydd Gerallt Hughes o Heddlu De Cymru:

“Dim ond un enghraifft yw'r ymgyrch hon o'r gwaith rydym yn ei wneud i fynd ar ôl troseddwyr a'u dwyn i gyfrif.

"Mae swyddogion yn arestio tramgwyddwyr yn ein cymunedau bob dydd, ddydd a nos; fodd bynnag, mae'r ymgyrchoedd dwysáu hyn yn rhoi ffocws penodol i ni ar y troseddwyr rydym yn chwilio amdanynt.

“Os oes gennych bryderon yn eich ardal, rhowch wybod amdanynt a byddwn yn gweithredu."

Cysylltwch â Heddlu De Cymru drwy un o'r ffyrdd canlynol:

• Cysylltwch â ni ar-lein yn https://www.south-wales.police.uk/cy-GB/riportio/riportio
• Ffoniwch 101 neu Crimestoppers yn ddienw ar 0800 555 111.

Ffoniwch 999 bob amser mewn argyfwng.