Dedfrydu treisiwr i bum mlynedd yn y carchar

Mae dyn o Faesteg wedi cael ei garcharu ar ôl cyflawni troseddau rhywiol yn erbyn ei ddioddefwr.

Cafwyd Stephen Jones, 55 oed, o Faesteg, yn euog o geisio hudo merch dros 16 oed ac o ymosod ar ferch 13 oed yn dilyn achos llys yn Llys y Goron dros bum niwrnod yng Nghaerdydd ym mis Gorffennaf 2026.

Yn ystod y gwrandawiad dedfrydu yn Llys y Goron Caerdydd ddydd Llun 7 Medi, cafodd Jones ei ddedfrydu i bum mlynedd a thri mis yn y carchar. Cafodd orchymyn atal am 20 mlynedd a gorchymyn atal niwed rhywiol (Shopo). Bydd ei enw ar y gofrestr troseddwyr rhyw hefyd.

Dywedodd y Ditectif Gwnstabl Rebecca Evans: "Ni ellir diystyru’r dewrder sydd ei angen i gysylltu â ni a rhoi gwybod am droseddau o'r fath.

“Rydym yn gobeithio y bydd y ddedfryd hon yn helpu'r dioddefwr i ailadeiladu ei bywyd a gwella ar ôl y digwyddiadau erchyll hyn.”

"Rydyn ni eisiau annog dioddefwyr i ddod i siarad â ni, waeth faint o amser sydd wedi mynd heibio ers y digwyddiad. Byddwn yn ymchwilio i’r mater a byddwn yn ei gymryd o ddifrif."

Nid ydym byth yn diystyru pa mor anodd yw hi i oroeswyr cam-drin rhywiol siarad yn agored a rhoi gwybod am ddigwyddiadau o'r fath.

Ond rydym yn gobeithio y bydd achosion fel hyn yn rhoi sicrwydd y byddwn yn gwrando ar ddioddefwyr, yn eu trin ag urddas a pharch, ac y byddant yn cael eu cefnogi drwy'r broses farnwrol.

Os ydych chi wedi cael eich cam-drin yn rhywiol, ac nad ydych yn barod i roi gwybod i'r heddlu amdano eto, peidiwch â dioddef yn dawel. Gellir dod o hyd i gyfoeth o wybodaeth a manylion am wasanaethau cymorth yma.”