Carchar i ddyn a geisiodd dreisio menyw ac ymosod arni’n rhywiol
Cynnwys y prif erthygl
Digwyddodd yr ymosodiad ar Heol Y Brenin, Abertawe, ym mis Hydref 2024.
Cafodd Mohangopi Tadiboyina, 30 oed o Brynmill, ei ddedfrydu i wyth mlynedd yn y carchar yn dilyn ei euogfarn.
Ymddangosodd Tadiboyina gerbron Llys y Goron Abertawe ddydd Gwener 4 Medi lle cafodd ei ddedfrydu am ymgais i dreisio a chyhuddiad o ymosodiad rhywiol. Roedd hyn yn dilyn achos llys dros gyfnod o dri diwrnod ym mis Gorffennaf, lle y cafwyd Tadiboyina yn euog o'r ddau gyhuddiad.
Targedodd Tadiboyina y dioddefwr tra oedd hi'n cerdded lawr y stryd ar ei phen ei hun yn ystod y nos. Yn dilyn yr ymosodiad, llwyddodd y fenyw i ddianc a rhybuddio unigolyn oedd yn cerdded heibio ar y pryd, a’i helpodd i riportio’r digwyddiad.
Dywedodd y Ditectif Ringyll Samuel Lewis: "Arweiniodd PC Bendrey ymchwiliad trylwyr a phroffesiynol, gan sicrhau bod pob llinell ymholi bosibl yn cael ei dilyn. Diolch i'w diwydrwydd a'i hymrwymiad, mae Tadiboyina yn wynebu cyfnod sylweddol yn y carchar.
Mae hwn yn ganlyniad ardderchog sy’n dangos effaith sylweddol gwaith PC Bendrey. Yn ogystal â sicrhau cyfiawnder i'r dioddefwr, mae troseddwr peryglus wedi'i dynnu oddi ar strydoedd ein cymuned, gan roi tawelwch meddwl i'r dioddefwr a’r cyhoedd ehangach.
Mae'r dioddefwr wedi mynegi pa mor falch yw hi i weld y ddedfryd a roddwyd ac mae wedi mynegi ei diolch am ymdrechion pawb fu’n rhan o'r ymchwiliad."
