Apêl am dystion yn dilyn gwrthdrawiad ar Heol Penarth

Mae Heddlu De Cymru yn apelio am dystion a lluniau camera cerbyd o wrthdrawiad traffig ffordd a ddigwyddodd yn Heol Penarth, Caerdydd, nos Wener (4 Medi).

Cafodd yr heddlu eu galw i adroddiad am wrthdrawiad rhwng car a beic trydan ger Costa tua 7.40pm.

Bu’n rhaid i ddau fachgen 16 oed o ardal Glan yr Afon gael triniaeth yn Ysbyty Athrofaol Cymru, Caerdydd. Credir mai nhw oedd yn reidio'r beic.

Mae dyn 19 oed o Grangetown a arestiwyd ar amheuaeth o ymosod wedi cael ei ryddhau ar fechnïaeth wrth i ymholiadau pellach barhau.

Mae dau berson wedi cael eu harestio mewn cysylltiad â'r digwyddiad. 

• Arestiwyd dyn 37 oed o Adamsdown ar amheuaeth o yrru'n beryglus, ymosod a lladrata ac mae'n parhau i fod yn nalfa'r heddlu.
• Arestiwyd dyn 19 oed o Grangetown ar amheuaeth o ymosod ond mae wedi cael ei ryddhau ar fechnïaeth wrth i ymholiadau pellach barhau.

Yn ôl y disgrifiad, mae'r car dan sylw yn Volkswagen Golf llwyd. Nid oedd y beic trydan i’w weld pan gyrhaeddodd swyddogion yr heddlu.

Gofynnir i unrhyw un a welodd y digwyddiad neu sydd â gwybodaeth neu luniau gysylltu â Heddlu De Cymru drwy un o'r dulliau canlynol gan grybwyll 2600291128.

• Cysylltwch â ni ar-lein yn https://bit.ly/SWPProvideInfo
• Ffoniwch 101 neu Crimestoppers yn ddienw ar 0800 555 111

Ffoniwch 999 bob amser mewn argyfwng.