Carcharu tri o Aberdâr am droseddau cyffuriau

Mae tri o bobl wedi cael eu carcharu ar ôl i'r heddlu chwilio eiddo ym Mhen-y-waun ym mis Ebrill 2026

Dedfrydwyd Ashley Clarke, 24 oed o Aberdâr, i ddwy flynedd a deng mis o garchar a chafodd ei wahardd rhag gyrru am ddwy flynedd yn dilyn ei euogfarn.

Cafodd Bradley Clarke-Wright, 27 oed o Aberdâr, ei ddedfrydu i dair blynedd a thri mis yn y carchar yn dilyn ei euogfarn.

Cafodd David Price, 44 oed o Aberdâr, ei ddedfrydu i dair blynedd a thri mis yn y carchar ôl iddo gael ei euogfarnu.

Cafodd y tri unigolyn eu dedfrydu yn Llys y Goron Merthyr Tudful ddydd Mercher 2 Medi, lle plediodd Clarke yn euog i gyhuddiad o ymwneud â chyflenwi cocên, gyrru tra roedd wedi'i wahardd, gyrru heb yswiriant ac ymwneud â chyflenwi cyffur Dosbarth B, sef canabis.

Plediodd Clarke-Wright yn euog i ymwneud â chyflenwi cocên, ymwneud â chyflenwi cyffur Dosbarth B - sef canabis, a chaffael/defnyddio eiddo troseddol.

Plediodd Price yn euog i ymwneud â chyflenwi cocên, ymwneud â chyflenwi cyffur Dosbarth B - canabis, a bod â chyffur Dosbarth A yn ei feddiant gyda'r bwriad o'i gyflenwi, sef MDMA.

Mae’r achos yn deillio o gudd-wybodaeth oedd yn dangos bod Clarke yn rhedeg llinell gyffuriau yn yr ardal, a arweiniodd at swyddogion o'n huned Troseddau Difrifol Cyfundrefnol yn mynd i gyfeiriad ym Mhen-y-waun ym mis Ebrill 2026. Pan gyrhaeddodd swyddogion, ceisiodd Clarke redeg i fwrdd ond fe gafodd ei arestio'n gyflym. Wrth i Clarke gael ei arestio, aeth ei frawd, Clarke-Wright, at swyddogion a gwnaethant ei arestio gan fod yr heddlu wedi bod yn chwilio amdano mewn cysylltiad â throsedd arall. Pan chwiliodd swyddogion Clarke-Wright, fe ddaethon nhw o hyd i £10,000 mewn arian parod a ffôn symudol yn cynnwys negeseuon oedd yn ei gysylltu â’r llinell gyffuriau.

Darganfuwyd cyffuriau, geriach cyffuriau ac arian parod wrth chwilio'r eiddo. Pan gafodd cynnwys ffôn symudol Clarke-Wrights ei lawrlwytho, gwelwyd bod enw Price wedi cael ei ddefnyddio mewn negeseuon sawl tro wrth drafod cyflenwi cyffuriau. Aeth swyddogion i'r cyfeiriad ym Mhen-y-waun ac atafaelwyd mwy o gyffuriau a chyfarpar cyffuriau.

Dywedodd Cwnstabl yr Heddlu Arron Howitt: "Mae'r grŵp hwn yn grŵp cyffuriau arall a gafodd ei ddarganfod yn rhan o'n hymchwiliadau i gyflenwi cyffuriau yn Aberdâr.

“Fel llawer o ddrwgweithredwyr eraill yn y gorffennol, bydd yr unigolion hyn yn wynebu dedfryd hir o garchar am fod yn rhan o’r fasnach anghyfreithlon hon”