Carcharu dyn o'r Rhondda am nifer o droseddau cyffuriau

Cafodd Christopher Hallett, 32 oed o'r Porth, ei ddedfrydu i ddwy flynedd yn y carchar yn dilyn ei euogfarn.

Dedfrydwyd Hallett yn Llys y Goron Caerdydd ddydd Mawrth 1 Medi lle plediodd yn euog i gyhuddiad o ymwneud â chyflenwi cyffur rheoledig o Ddosbarth B – canabis, cyhuddiad o fod â chanabis yn ei feddiant gyda'r bwriad o'i gyflenwi a chyhuddiad o gaffael/defnyddio/meddu ar eiddo troseddol.

Roedd hyn yn dilyn cudd-wybodaeth a awgrymodd fod Hallett yn ymwneud â phrynu a chyflenwi symiau cyfanwerthol o ganabis ar draws ardal y Rhondda. Aeth swyddogion i gartref Hallett yn y Porth a'i arestio. Wrth i swyddogion chwilio ei gartref, daethant o hyd i sawl bag mawr yn cynnwys canabis â gwerth manwerthu rhwng £67,000 a £115,000. Daethant o hyd i £22,000 mewn arian parod yn yr eiddo hefyd.

Cafodd cynnwys ffôn Hallett ei lawrlwytho a chanfuwyd negeseuon yn dangos ei fod wedi archebu symiau mawr o ganabis. Roedd ganddo nifer o fêps canabis hefyd y daeth swyddogion o hyd iddynt mewn ysgolion lleol yn nes ymlaen.

Dywedodd y Cwnstabl Adam Lewis: "Roedd hon yn ymgyrch enfawr i werthu symiau cyfanwerthol o gyffuriau ar draws rhanbarth y Rhondda."

Gwnaeth ein timau weithredu yn sgil gwybodaeth, ac mae hynny wedi arwain at anfon Hallett i'r carchar am gyfnod sylweddol o amser."

"Mae cyffuriau yn cael effaith enfawr ar ein cymunedau, felly mae cadw'r cyffuriau hyn oddi ar y strydoedd yn flaenoriaeth i'n timau."