Carcharu dyn o Bontypridd am nifer o droseddau cyffuriau

Mae Jamie Lewis, 33 oed o Bontypridd, wedi cael ei ddedfrydu i bedair blynedd a mis yn y carchar yn dilyn ei euogfarn.

Cafodd Alanis Davies, 28 oed o Bontypridd, ddedfryd o ddwy flynedd yn y carchar wedi'i gohirio am ddwy flynedd.

Cawsant eu dedfrydu ddydd Mercher 25 Chwefror 2026 yn Llys y Goron Caerdydd, lle plediodd Lewis yn euog i ymwneud â chyflenwi cocên, bod â chocên yn ei feddiant, ymwneud â chyflenwi canabis a chaffael eiddo troseddol.

Mae'r achos yn deillio o ymchwiliad gan Heddlu De Cymru a ddechreuodd pan oedd swyddogion yn ymchwilio i linell gyffuriau ym Mhontypridd ym mis Rhagfyr 2025. Gwnaeth swyddogion ddarganfod rhif ffôn symudol a oedd yn gysylltiedig â Lewis. Wrth i’r swyddogion gynnal ymholiadau arestio, gwelsant Lewis a Davies mewn car ac arestiwyd y ddau unigolyn.

Wrth i swyddogion chwilio'r car, daethant o hyd i ffôn Lewis a ddangosodd yn glir ei fod yn gysylltiedig â chyflenwad cocên. Yn ystod chwiliad o'i eiddo, daeth swyddogion o hyd i fag clir gyda sylwedd creigiog gwyn ynddo, yn ogystal â swm mawr o fagiau selio a chlorian.  Daethpwyd o hyd i ddwy oriawr Rolex yn ystod y chwiliad hefyd.

Dywedodd Cwnstabl yr Heddlu Justyn Lewis "Mae ein swyddogion bob amser yn cynnal patrolau mewn cymunedau ledled y sir ac yn chwilio am ddelwyr cyffuriau. Mae Jamie Lewis bellach yn treulio cyfnod sylweddol yn y carchar, fel y mae'n haeddu.”