Carcharu dyn o Bontypridd am ymwneud â chyflenwi cocên

Dedfrydwyd Lee Scarfe, 38 oed o Bontypridd, i bedair blynedd a thri mis o garchar yn dilyn ei euogfarn.

Cafodd ei ddedfrydu ddydd Mercher 25 Chwefror 2026 yn Llys y Goron Caerdydd, lle plediodd Scarfe yn euog i ymwneud â chyflenwi cocên.

Mae'r achos yn deillio o ymchwiliad gan Heddlu De Cymru a ddechreuodd pan oedd swyddogion yn ymchwilio i linell gyffuriau yn ardal Rhondda Cynon Taf. Yn ystod y chwiliad, gwnaeth swyddogion ddarganfod rhif ffôn symudol a oedd yn gysylltiedig â Scarfe.

Ar 8 Ionawr 2025, gwelwyd Scarfe yn gyrru car yn ardal y Barri. Cafodd ei stopio a'i arestio. Wrth chwilio'r car, daeth swyddogion o hyd i fag gyda £4,000 mewn arian parod ynddo, ac atafaelwyd ei ffôn.  Pan gafodd data'r ffôn eu lawrlwytho, daeth swyddogion o hyd i negeseuon a oedd yn cysylltu Scarfe â chyflenwi cocên.

Dywedodd Cwnstabl yr Heddlu Rhodri Wilson, “Mae'r cyffuriau anghyfreithlon hyn yn cael effeithiau dinistriol ar bobl ymhellach i lawr y gadwyn sy'n eu defnyddio, heb anghofio am eu teuluoedd, eu ffrindiau a'u cymunedau ehangach.”

Byddwn yn parhau i ymchwilio i unrhyw wybodaeth sydd gennych mewn perthynas â gwerthu neu ddefnyddio'r cyffuriau hyn”