Carcharu tri o Ferthyr am ladrata

Mae tri dyn wedi cael eu carcharu am ladrad ym Merthyr Tudful, yn dilyn ymchwiliad gan Heddlu De Cymru.

Dedfrydwyd Jason Colin, 49 oed o Ferthyr Tudful, i dair blynedd yn y carchar yn dilyn ei euogfarn.

Cafodd Jonathan Pike, 46 oed o Ferthyr Tudful, ei ddedfrydu i dair blynedd yn y carchar ar ôl cael ei euogfarnu.

Cafodd Matthew Winstone, 37 oed o Ferthyr Tudful, ei ddedfrydu i dair blynedd yn y carchar ar ôl cael ei euogfarnu.

Cafodd y tri dyn eu dedfrydu yn Llys y Goron Merthyr Tudful ddydd Mawrth 10 Mawrth lle plediodd y tri ohonynt yn euog i ladrad.

Cafodd swyddogion wybod bod tri dyn yn ymddwyn yn amheus ger Hong Kong Lane a llysoedd barn Merthyr tua 19:30 ddydd Sul 1 Chwefror.

Gwelwyd Colin, Pike a Winstone ar gamerâu teledu cylch cyfyng yn mynd at y dioddefwr a siarad ag e am ddeng munud cyn y digwyddiad. Dechreuodd Pike ymosod ar y dioddefwr drwy ei bwnio  sawl gwaith a'i daro yn ei ben â'i ben-glin. Tra oedd hyn yn digwydd, roedd Colin yn mynd drwy bocedi siaced y dioddefwr a cherddodd Winstone i ffwrdd gyda chês mawr oedd yn perthyn i’r dioddefwr.

Dywedodd Cwnstabl yr Heddlu Rhys Maiden “Ni chaiff troseddau treisgar eu goddef yn unrhyw le yn ein cymunedau, a bydd Colin, Pike a Winstone bellach yn wynebu cyfiawnder am eu gweithredoedd.

“Bydd ymosodiadau fel yr un a gyflawnodd y tri dyn yma’n cael effeithiau parhaus ar ddioddefwyr. Rwy'n gobeithio y byddan nhw’n defnyddio eu hamser yn y carchar i fyfyrio ar eu gweithredoedd ac yn dod yn aelodau mwy cynhyrchiol o'r gymuned pan fyddant yn cael eu rhyddhau yn y pen draw.”