Lleidr cyson wedi'i wahardd o sawl siop ym Mro Morgannwg

Mae Victoria Taylor, 30 oed, yn targedu siopau yn y Barri a Phenarth yn rheolaidd.

Yn dilyn ei heuogfarn ddiweddar am dri achos o ladrata, cafodd Taylor, o’r Barri, Orchymyn Ymddygiad Troseddol (CBO) am ddwy flynedd.

Clywodd y llys fod y Gorchymyn yn angenrheidiol i amddiffyn y gymuned, gweithwyr lleol, ac aelodau'r cyhoedd rhag gofid, tarfu a niwed parhaus.

Mae gweithwyr siop wedi disgrifio Taylor fel un sy’n troi’n ymosodol ac yn fygythiol pan gaiff ei herio.

Dywedodd Cydlynydd Ymddygiad Gwrthgymdeithasol Heddlu De Cymru, Cwnstabl yr Heddlu Adrian Muscat:

“Mae Heddlu De Cymru yn gweithio'n agos gyda manwerthwyr a busnesau i'w hamddiffyn rhag troseddau ac ymddygiad gwrthgymdeithasol gan unigolion fel Victoria Taylor.

"Mae ymddygiad Taylor wedi achosi aflonyddwch a gofid parhaus i gymunedau'r Barri a Phenarth."

Fel rhan o'r Gorchymyn Ymddygiad Troseddol a roddwyd iddi yn Llys Ynadon Caerdydd ar 26 Chwefror, mae Taylor wedi’i gwahardd o’r siopau canlynol:

• Co-op, Colcot Road
• Home Bargains, Palmerston Road
• Asda, Parc Manwerthu Waterfront
• Unrhyw siop Tesco yn y Barri a Phenarth
• Unrhyw siop One Stop Shop yn y Barri

Rhaid i Taylor beidio â dangos ymddygiad afreolus, bygythiol neu ddifrïol mewn unrhyw siopau manwerthu yn y Barri a Phenarth. Bydd rhaid iddi adael pan ofynnir iddi wneud hynny hefyd.

Mae torri'r Gorchymyn yn drosedd y gellir ei chosbi â charchar a/neu ddirwy.

Dyma'r llwyddiant diweddaraf yn dilyn dull gweithredu ehangach newydd o fynd i'r afael â dwyn o siopau ac ymddygiad gwrthgymdeithasol gan heddlu Caerdydd a'r Fro.

Dylid rhoi gwybod i'r heddlu am ddigwyddiadau ac achosion o dorri gorchmynion.