Carcharu deliwr cyffuriau o Gaerdydd ar ôl iddo gael ei ddal gan heddlu cudd

Mae dyn wedi cael ei garcharu ar ôl i swyddogion mewn dillad plaen amau eu bod wedi ei weld yn cyflawni sawl achos o ddelio mewn cyffuriau yng Nghaerdydd.

Mae Lee Whitfield, 49 oed, o'r Rhath, wedi cael ei ddedfrydu i tri blynedda tris mis yn y carchar ar ôl pledio'n euog i fod â chyffur rheoledig Dosbarth A, sef Crac Cocên, yn ei feddiant gyda'r bwriad o'i gyflenwi yn Llys y Goron Caerdydd.

Roedd swyddogion mewn dillad plaen o'r tîm troseddau difrifol a chyfundrefnol yn cynnal patrolau cudd a rhagweithiol ledled Caerdydd ar 10 Chwefror 2026, pan welsant Whitfield yn ymddwyn mewn modd amheus, yn cyflawni'r hyn yr oedd y swyddogion yn credu oedd yn achos o ddelio mewn cyffuriau. Nododd ymholiadau pellach fod gan un o'r bobl hyn grac cocên yn ei feddiant ar ôl cyfarfod â Whitfield.

Gwelodd swyddogion Whitfield yn ddiweddarach mewn cyfeiriad yr oedd yn mynd i mewn ac allan ohono'n rheolaidd, ac roeddent yn amau ei fod yn cyflenwi cyffuriau i bobl tu allan.

Aeth swyddogion i mewn i'r cyfeiriad a chafodd Whitfield ei arestio ar amheuaeth o gyflenwi Crac Cocên.

Cynhaliodd swyddogion chwiliad o'r cyfeiriad a cherbyd Whitfield a daethant o hyd i baraffernalia sy'n gysylltiedig â chyffuriau, gan gynnwys:

• iPhone a oedd yn cael ei ddefnyddio mewn llinell cyffuriau
• Pibell Crac
• Cerrig rhydd o grac cocên
• Cloriannau digidol ag olion powdwr gwyn
• Cerrig gwyn mewn papur lapio clir

Dywedodd y Ditectif Gwnstabl Adam Fenlon:

“Mae'r gymuned ehangach yn lle gwell gyda delwyr cyffuriau fel Whitfield oddi ar y strydoedd.’

“Mae'r cyffuriau a atafaelwyd yn achosi canlyniadau dinistriol a hirdymor i'r defnyddwyr, eu teulu ac aelodau ehangach o'r cyhoedd.

“Gallai ein swyddogion mewn dillad plaen fod yn unrhyw le ar unrhyw adeg, ac maent bob amser yn chwilio am ffyrdd i gadw ein cymunedau yn ddiogel rhag troseddau difrifol a chyfundrefnol.