Carcharu dyn o Cathays am dreisio plentyn

Mae dyn wedi cael ei garcharu am 18 o flynyddoedd ar ôl iddo gael ei ddyfarnu'n euog o dreisio plentyn. 

Cafodd Julian Hobbs, 36 oed o Cathays, ei ddedfrydu yn Llys y Goron Merthyr heddiw (13 Chwefror) ar ôl cael ei ganfod yn euog o nifer o droseddau rhyw yn erbyn plant. 

Cafwyd Hobbs yn euog o'r troseddu canlynol yn dilyn treial tri diwrnod rhwng 15 a 18 Rhagfyr yn Llys y Goron Casnewydd: 

• Tri achos o dreisio merch o dan 13 oed
• Dau achos o fod yn droseddwr 18 oed neu'n hŷn yn achosi plentyn o dan 13 oed i wylio / edrych ar lun o weithgarwch rhywiol
• Un achos o achosi / ysgogi merch o dan 13 oed i ymgymryd â gweithgarwch rhywiol - heb dreiddio

Daeth ei euogfarn ar ôl i'r dioddefwr roi gwybod yn ddewr am weithredoedd Hobbs i athro yn yr ysgol. 

Dywedodd y swyddog ymchwilio, y Ditectif Gwnstabl Geraint Strakis: “Rwy'n canmol y dioddefwr, sy'n blentyn o hyd, am ei dewrder wrth roi gwybod am weithredoedd erchyll Hobbs. Ni ddylai unrhyw blentyn orfod wynebu'r math hwn o gam-drin.

“Er gwaethaf ei ymdrechion parhaus i osgoi beiusrwydd am ei weithredoedd drwy bledio'n euog, rwy'n ddiolchgar i weld ei fod wedi cael ei ddwyn i gyfrif am ei natur reibus.”