Carcharu dyn o Bort Talbot ar ôl iddo anfon negeseuon rhywiol at fachgen 14 oed

Mae dyn o Gastell-nedd Port Talbot wedi cael ei garcharu ar ôl iddo bledio'n euog i droseddau rhyw yn erbyn plant.

Defnyddiodd Jamie Davies, 34 oed o Bort Talbot, safle cyfryngau cymdeithasol Snapchat i gynnig coginio bwyd i'w ddioddefwr 14 oed yn gyfnewid am wylio’r bachgen yn cyflawni gweithred rywiol o'i flaen.

Gwnaeth Davies dynnu llun o’i bidyn a’i anfon at y plentyn hefyd.

Plediodd Davies yn euog i achosi/annog bachgen rhwng 13 a 15 oed i gymryd rhan mewn gweithgarwch rhywiol, tri achos o fod â llun anweddus o blentyn yn ei feddiant ac un achos o gyfathrebu'n rhywiol â phlentyn.

Mae Davies wedi cael ei ddedfrydu i 28 mis yn y carchar.

Dywedodd y Ditectif Ringyll Kristian Burt:

"Mae Jamie Davies yn unigolyn rheibus a oedd yn hollol ymwybodol o oedran y bachgen yr oedd yn anfon negeseuon rhywiol ato. Mae'n llawn haeddu ei gyfnod yn y carchar.

"Bydd hyn gobeithio yn rhybudd na chaiff ymddygiad rheibus o'r fath ei oddef, a bod yn rhaid i ni fod yn wyliadwrus wrth amddiffyn ein plant."

Rydym yn cydnabod dewrder anhygoel goroeswyr cam-drin rhywiol wrth roi gwybod am eu profiadau. Mae Heddlu De Cymru yn ymrwymedig i sicrhau y byddwn yn gwrando ar ddioddefwyr, yn eu trin ag urddas a pharch, ac yn eu cefnogi drwy'r broses farnwrol.

Mae adnoddau a gwasanaethau cymorth ar gael i'r rheini sy'n dioddef mewn tawelwch, neu'r rheini sydd wedi cael eu cam-drin yn rhywiol ond nad ydynt yn barod eto i roi gwybod amdano i'r heddlu. Ceir rhagor o wybodaeth yn Gwasanaethau Cymorth Heddlu De Cymru.