DES Pêl-droed yr haf 2026

Heddlu yn lansio cynllun diodydd meddal am ddim i gefnogi gyrwyr dynodedig yn ystod haf o bêl-droed

Gyda nifer o gemau pêl-droed rhyngwladol ar y gweill, bydd Heddlu De Cymru yn cefnogi safleoedd trwyddedig penodol sy'n cynnig diodydd meddal am ddim neu am bris gostyngol i yrwyr dynodedig dros yr haf.

Bydd mwy na 30 o safleoedd trwyddedig ledled ardal yr heddlu yn cymryd rhan yn y cynllun hwn, a elwir hefyd yn gynllun 'DES'. Bydd yr ymgyrch yn cychwyn ddydd Iau 11 Mehefin ac yn dod i ben ddydd Sul 19 Gorffennaf.

Beth yw gyrrwr dynodedig a sut mae cynllun DES yn gweithio?

Gyrrwr dynodedig yw rhywun sy'n ymwrthod ag yfed alcohol er mwyn bod yn yrrwr cyfrifol er ei fwyn ei hun ac er mwyn pobl eraill. Nod cynllun DES yw hyrwyddo yfed yn gyfrifol gan ystyried diogelwch ar y ffyrdd.

Mae cymryd rhan yn hawdd. Os mai chi yw'r gyrrwr dynodedig ar gyfer diwrnod gêm, a'ch bod yn un o'r safleoedd trwyddedig a restrir isod, y cyfan sydd angen ei wneud yw rhoi gwybod i staff y bar eich bod yn yrrwr dynodedig. Bydd y staff yn rhoi band arddwrn 'DES' i chi a fydd yn eich galluogi i gael diodydd meddal neu ddiod ffrwythau am ddim neu am bris gostyngol.

Mae'n bwysig cofio mai mater i safleoedd trwyddedig unigol fydd penderfynu a fydd y cynnig hwn ar gael drwy'r nos, ar gyfer dyddiau gemau penodol neu ar gyfer nifer penodol o ddiodydd, gan mai nhw fydd yn talu'r costau. Rôl Heddlu De Cymru fydd darparu posteri a bandiau garddwrn er mwyn helpu i hysbysebu'r cynllun.

Gwyddom y gall bod yn yrrwr dynodedig fod yn faich weithiau, ond rydym yn gobeithio y bydd ein cynllun DES yn annog mwy o bobl i fod yn ymwybodol o ganlyniadau difrifol yfed a gyrru a phwysigrwydd bod yn ddiogel ar y ffyrdd.

Cofiwch

Nid oes unrhyw ffordd o wybod faint y gallwch ei yfed ac aros o dan y terfyn, gan fod hynny'n gallu dibynnu ar eich pwysau, eich oedran, eich metaboledd, y bwyd rydych wedi ei fwyta a ffactorau eraill.

Mae'n amhosibl cael alcohol allan o'ch system yn gyflym - mae bob amser yn cymryd amser. Gall cawod, cwpanaid o goffi neu ffyrdd eraill o 'sobri' wneud ichi deimlo'n well ond fyddan nhw ddim yn tynnu'r alcohol o'ch system.

Os ydych chi wedi bod yn yfed, mae'n werth cofio bod alcohol yn gallu effeithio arnoch chi’r diwrnod canlynol hefyd a gallech chi golli eich trwydded os ydych chi’n gyrru a chithau dros y terfyn alcohol cyfreithiol.

Mae llawer o risgiau yn gysylltiedig â gyrru dan ddylanwad alcohol neu gyffuriau, ond yr un fwyaf yw'r risg o achosi gwrthdrawiad.

Mae gyrru dan ddylanwad alcohol neu gyffuriau yn gwbl annerbyniol yn gymdeithasol ac yn beryglus tu hwnt. Gall effeithio ar eich gallu i yrru mewn sawl ffordd, a gall feithrin hyder anwir a all arwain at gynnydd mewn ymddygiad cymryd risg, sy'n rhoi eich bywyd chi a bywydau eraill mewn perygl.

Cymryd rhan

Os ydych yn safle trwyddedig sydd â diddordeb mewn bod yn rhan o'r cynllun, cysylltwch â'ch tîm trwyddedu lleol. Gellir gweld rhestr lawn o'r safleoedd trwyddedig sydd wedi cofrestru ar gyfer y cynllun isod:

 

Caerdydd 

The Philharmonic, 76-77 Heol Eglwys Fair, Caerdydd, CF10 1FA

Brewhouse, 49 Heol Eglwys Fair, Caerdydd, CF10 1AD

Peppermint Bar & Kitchen, 63 Heol Eglwys Fair, Caerdydd, CF10 1FE

Coyote Ugly Caerdydd, 78-80 Heol Eglwys Fair, Caerdydd, CF10 1FA

Filthy McNasty's, 93 Heol Eglwys Fair, Caerdydd, CF10 1DX

Bluebell, 33 Heol Fawr, Caerdydd, CF10 1PU

Temple Bar Caerdydd, 6 Heol Fawr, Caerdydd, CF10 1AW

Rum & Fizz, Castle Quarter Arcades, Heol Fawr, Caerdydd, CF10 1BU

Barker Tavern, 10-16 Castle Arcade, Heol Fawr, Caerdydd, CF10 1BU

Gin & Juice, 6 Stryd y Castell, Caerdydd, CF10 1BU

Mocka Lounge, 1 Lôn y Felin, Caerdydd, CF10 1FL

Retro, 7 Lôn y Felin, Caerdydd, CF10 1FL

Tonight Josephine, 46 Stryd Caroline, Caerdydd CF10 1FF

Daffodil, 33 Plas Winsor, Caerdydd, CF10 3BZ

District, 2 Heol y Brodyr Llwydion, Caerdydd, CF10 3AD 

Queens Vaults, 29 Heol y Porth, Caerdydd, CF10 1EH

Metro’s, 10 Bakers Row, Caerdydd, CF10 1AL

The Dock, Uned 1 Cei'r Fôr-forwyn, Caerdydd, CF10 5BZ

The Four Elms, 1 Elm Street, Caerdydd CF24 3QR

The Discovery, Celyn Avenue, Caerdydd, CF23 6FH

Royal Oak yr Eglwys Newydd, 17 Heol Merthyr, Caerdydd, CF14 1DA

Brewhouse & Kitchen, Sophia Close, Caerdydd, CF11 9HW

The Cricketers, 66 Cathedral Road, Pontcanna, Caerdydd, CF11 9LL

Lewis Arms, Heol Goch, Pentyrch, CF15 9PN

 

Bro Morgannwg 

St Fagans Penarth, 114 Glebe Street, Penarth, CF64 1EB

The Golden Lion, 69 Glebe Street, Penarth, CF64 1EF

The Bear’s Head – Penarth, 37-39 Windsor Road, Penarth, CF64 1JD

The Windsor, 95 Windsor Road, Penarth, CF64 1JE

The White Lion Hotel, East Street, Llanilltud Fawr, CF61 1XY 

 

Abertawe

Coyote Ugly Abertawe, 41 Salubrious Place, Wind Street, Abertawe, SA1 1EE

One Eyed Willy's Abertawe, 20-21 Wind Street, Abertawe, SA1 1DY

Jack Murphy's Uplands, Abertawe, 49 Uplands Crescent, Uplands, Abertawe, SA2 0NP

Jack Murphy's Wind Street, Abertawe, 5 Wind Street, Abertawe, SA1 1DW