Carcharu dyn ar ôl nifer o droseddau casineb ac ymosodiadau ar swyddogion
Cynnwys y prif erthygl
Mae dyn wedi cael ei ddedfrydu yn Llys y Goron Caerdydd am nifer o droseddau casineb ac ymosodiadau.
Cafodd Rasheed Jama, 20, heb gartref sefydlog, ei ddedfrydu heddiw i 18 mis yn y carchar yn dilyn cyfres o droseddau rhwng mis Mehefin a mis Medi 2025.
Roedd Jama wedi pledio'n euog i bedair trosedd a ddigwyddodd ar 20 Mehefin 2025, a oedd yn cynnwys ymosodiad cyffredin gwaethygedig ar sail crefydd ar swyddog heddlu a oedd hefyd yn destun cam-drin gwrthsemitaidd, a thri chyhuddiad o ymosod drwy guro gweithiwr brys.
Ar gyfer digwyddiad ar 28 Awst 2025, roedd Jama wedi pledio'n euog i ymosod drwy guro gweithiwr brys, a dau gyhuddiad o aflonyddu/brawychu/trallod bwriadol gwaethygedig ar sail hil. Y swyddogion oedd yn destun y cam-drin hiliol.
Ar gyfer y trydydd achos, ar 11 Medi 2025, plediodd Jama yn euog i anafu/achosi niwed corfforol difrifol heb fwriad a meddu ar arf ymosodol mewn man cyhoeddus, sef morthwyl.
Dywedodd Cwnstabl yr Heddlu Harrison Taylor:
"Ddylai neb fod yn destun camdriniaeth neu drais yn y gwaith. Mae ymagwedd dim goddefgarwch at unrhyw fath o droseddau casineb yn ein cymunedau ac rwy'n falch o weld y ddedfryd hon yn cael ei dyfarnu."
Am ragor o wybodaeth am droseddau casineb, beth ydyn nhw, neu sut i'w riportio, cliciwch yma.