Carchar i ddeliwr cocên o Gastell-nedd Port Talbot yn dilyn damwain ar Ŵyl San Steffan
Cynnwys y prif erthygl
Mae dyn o Gastell-nedd Port Talbot wedi cael ei anfon i'r carchar am bum mlynedd am ei ran yn y fasnach cyffuriau Dosbarth A.
Ym mis Ebrill, plediodd Ryan Tucker, 27 oed o Aberafan, yn euog i ymwneud â chyflenwi cocên rhwng 2023 a 2025. Plediodd yn euog hefyd i ymwneud â chyflenwi amffetaminau yn 2021, yn ogystal ag ymwneud â chyflenwi canabis yn 2025. Plediodd Tucker yn euog i fod â chocên a chanabis yn ei feddiant hefyd.
Darganfuwyd negeseuon yn ymwneud â chyflenwi cocên ac amffetaminau ar ddyfais symudol Tucker ar ôl iddo wrthod rhoi ei gyfrinair i swyddogion.
Cafodd Tucker wrthdrawiad yn ei gerbyd ar Ŵyl San Steffan yn 2025. Pan ddaeth swyddogion o hyd iddo ar ôl y gwrthdrawiad, roedd Tucker wedi meddwi gyda chocên drosto fe a’i gerbyd i gyd.
Dywedodd y Ditectif Arolygydd Richard George:
"Methodd Ryan Tucker â dysgu ei wers ar ôl cyflawni rhestr hir o droseddau eraill yn y gorffennol, a bydd e’n treulio cyfnod hir yn y carchar yn awr.
"Gobeithio y bydd hyn yn drobwynt sylweddol yn ei fywyd a fydd yn gwneud iddo newid ei ffyrdd.
"Mae cocên a'r fasnach cyffuriau Dosbarth A yn achosi niwed aruthrol i gymaint o bobl yn ein cymunedau – i’r bobl sy’n defnyddio’r cyffuriau hyn, ond hefyd eu teuluoedd, eu ffrindiau a’u cymdogion. Byddwn yn gweithio'n ddiflino i fynd ar ôl y rhai sy'n ymwneud â'r fasnach gyffuriau hon a'u dwyn i gyfrif."