Ymosodiad yn Cathays – Apêl i ddod o hyd i dystion allweddol posibl

Mae ditectifs sy'n ymchwilio i ymosodiad yn ardal Cathays fis diwethaf yn apelio ar unigolion a oedd yn teithio mewn car penodol i gysylltu â ni. Credir eu bod wedi stopio i gynnig help ac y gallent feddu ar wybodaeth bwysig.

Cafodd swyddogion yr heddlu eu galw i Stryd Pentyrch nos Lun, 22 Rhagfyr.

Bu farw'r dioddefwr, Colm Marcus Boston, 37 oed o'r Mynydd Bychan bedwar diwrnod yn ddiweddarach yn Ysbyty Athrofaol Cymru, Caerdydd.

Yn ôl tystion, gwnaeth car bach, a oedd yn cynnwys o leiaf ddau berson, stopio wrth ymyl y dioddefwr a chlywyd y gyrrwr yn cynnig help.

Yna gadawodd y car, Ford Fiesta o bosibl, yr ardal.

Anogir deiliaid y car hwn, y credir eu bod yn ddyn a menyw, i gysylltu â'r heddlu.

Mae dyn 29 oed o'r Sblot a gafodd ei arestio yn gynharach yr wythnos hon (dydd Mercher 7 Ionawr) ar amheuaeth o ymosod a bod ag arf ymosodol yn ei feddiant, wedi cael ei ryddhau ar fechnïaeth wrth i ymholiadau pellach gael eu cynnal.

Mae tri dyn arall a gafodd eu harestio'n flaenorol fel rhan o'r ymchwiliad hefyd yn parhau ar fechnïaeth.

Mae teulu Mr Boston yn parhau i gael eu cefnogi gan swyddogion cyswllt â theuluoedd.

Gellir cyflwyno deunydd fideo a gwybodaeth ar-lein https://mipp.police.uk/operation/62SWP25C25-PO1

Fel arall, cysylltwch â Heddlu De Cymru gan ddyfynnu 2500404113.

💻 Cysylltwch â ni ar-lein drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

📞 101 neu Crimestoppers yn ddienw ar 0800 555 111.