Ail-lansio cynllun diodydd meddal am ddim i gefnogi gyrwyr dynodedig yn ystod pencampwriaeth y Chwe Gwlad

Gall gyrwyr dynodedig ledled ardal ein heddlu unwaith eto gael diodydd meddal am ddim neu am bris gostyngol mewn lleoliadau penodol fel rhan o'n cynllun DES.

Mae'r fenter hon, sy'n rhedeg dros gyfnod y Nadolig fel arfer, yn cael ei hail-lansio ar gyfer gemau'r Chwe Gwlad a bydd 30 o safleoedd ledled de Cymru yn cymryd rhan ynddi.

Felly, os mai chi yw'r gyrrwr dynodedig ar gyfer mynd allan i wylio un o gemau'r Chwe Gwlad, byddwn ni a'n partneriaid mewn lleoliadau penodol yn gofalu amdanoch.

Beth yw gyrrwr dynodedig a sut mae cynllun DES yn gweithio?

Gyrrwr dynodedig yw rhywun sy'n ymwrthod ag yfed alcohol er mwyn bod yn yrrwr cyfrifol.

Nod cynllun DES yw hyrwyddo yfed yn gyfrifol gan ystyried diogelwch ar y ffyrdd.

Bydd cwsmeriaid sy'n rhoi gwybod i staff bar eu bod yn yrwyr dynodedig – neu'n ‘DES’ – yn cael band arddwrn, a fydd yn eu galluogi i gael diodydd meddal drafft am ddim neu ddiod ffrwythau.

Bydd safleoedd trwyddedig unigol yn penderfynu a yw'r cynnig hwn ar gael drwy'r nos, neu am nifer penodol o ddiodydd, gan mai nhw sy'n talu'r costau. Mae Heddlu De Cymru yn darparu posteri a bandiau garddwrn i hysbysebu'r cynllun.

Gwyddom y gall bod yn yrrwr dynodedig fod yn faich weithiau, ond rydym yn gobeithio y bydd y cynllun hwn yn annog mwy o bobl i fod yn ymwybodol o ganlyniadau difrifol yfed a gyrru a phwysigrwydd bod yn ddiogel ar y ffyrdd.

 

Cofio

Nid oes unrhyw ffordd o wybod faint y gallwch ei yfed ac aros o dan y terfyn, gan fod hynny'n gallu dibynnu ar eich pwysau, eich oedran, eich metaboledd, y bwyd rydych wedi ei fwyta a ffactorau eraill.

Mae'n amhosibl cael alcohol allan o'ch system yn gyflym, mae bob amser yn cymryd amser. Gall cawod, cwpanaid o goffi neu ffyrdd eraill o 'sobri' wella sut efallai rydych chi'n teimlo ond ni fyddant yn gwaredu'r alcohol o'ch system.

Os ydych wedi bod allan yn yfed, mae'n bosibl y bydd alcohol yn dal i effeithio arnoch y diwrnod canlynol a gallech golli eich trwydded os byddwch yn gyrru a'ch bod dros y terfyn cyfreithiol o hyd.

Y risg fwyaf rydych yn ei chymryd wrth yrru dan ddylanwad alcohol neu gyffuriau yw'r risg o achosi gwrthdrawiad.

Mae gyrru dan ddylanwad alcohol neu gyffuriau yn beryglus iawn a gall effeithio ar eich gallu i yrru mewn sawl ffordd.

Gall alcohol a chyffuriau hefyd feithrin hyder anwir a all arwain at gynnydd mewn ymddygiad cymryd risg, sy'n rhoi eich bywyd chi a bywydau eraill mewn perygl.

Cymryd Rhan

Os ydych yn safle trwyddedig sydd â diddordeb mewn bod yn rhan o'r cynllun, cysylltwch â'ch tîm trwyddedu lleol.

Gellir gweld rhestr lawn o'r safleoedd trwyddedig sydd wedi cofrestru ar gyfer y cynllun isod:

 

Caerdydd

Coyote Ugly Caerdydd, 78-80 Heol Eglwys Fair, Caerdydd, CF10 1FA

Temple Bar Caerdydd, 6 Heol Fawr, Caerdydd, CF10 1AW

The Philharmonic, 76-77 Heol Eglwys Fair, Caerdydd, CF10 1FA

Brewhouse, 49 Heol Eglwys Fair, Caerdydd, CF10 1AD

Bluebell, 33 Heol Fawr, Caerdydd, CF10 1PU

Retro, 7 Lôn y Felin, Caerdydd, CF10 1FL

Daffodil, 33 Plas Winsor, Caerdydd, CF10 3BZ

The Cricketers, 66 Cathedral Road, Pontcanna, Caerdydd, CF11 9LL

The Dock, Uned 1 Cei'r Fôr-forwyn, Caerdydd, CF10 5BZ

The Discovery, Celyn Avenue, Caerdydd, CF23 6FH

Yates Caerdydd, Heol y Brodyr Llwydion, Caerdydd, CF10 3AD

Royal Oak yr Eglwys Newydd, 17 Heol Merthyr, Caerdydd, CF14 1DA

Mocka Lounge, 1 Lôn y Felin, Caerdydd, CF10 1FL

Metro’s, 10 Bakers Row, Caerdydd, CF10 1AL

Brewhouse & Kitchen, Sophia Close, Caerdydd, CF11 9HW

Lewis Arms, Heol Goch, Pentyrch, CF15 9PN

Queens Vaults, 29 Heol y Porth, Caerdydd

The Four Elms, 1 Elm Street, Caerdydd

Three Horseshoes, Main Road, Llanbedr-y-Fro, Caerdydd, CF5 8LH

Royal Exchange, Tŷ Mawr Road, Ystum Taf, Caerdydd, CF14 2FQ

Admiral, 239 Heol Ddwyreiniol y Bont-faen, Caerdydd, CF11 9AL

Cardiff Cottage, 25 Heol Eglwys Fair, Caerdydd, CF10 1AA

Cornwall Hotel, 92 Cornwall Street, Caerdydd, CF11 6SR

 

Bro Morgannwg

Park Hotel, Park Crescent, y Barri, CF62 6HE

St Fagans Penarth, 114 Glebe Street, Penarth, CF64 1EB

The Golden Lion, 69 Glebe Street, Penarth, CF64 1EF

The Bear’s Head – Penarth, 37-39 Windsor Road, Penarth, Caerdydd, CF64 1JD

 

Abertawe

Coyote Ugly Abertawe, 41 Salubrious Place, Wind Street, Abertawe, SA1 1EE

One Eyed Willy's Abertawe, 20-21 Wind Street, Abertawe, SA1 1DY

Jack Murphy's Uplands, Abertawe, 49 Uplands Crescent, Uplands, Abertawe, SA2 0NP

Jack Murphy's Wind Street, Abertawe, 5 Wind Street, Abertawe, SA1 1DW