Dedfryd o garchar estynedig i ddyn o Abertawe am gynnau tân yn fwriadol
Cynnwys y prif erthygl
Mae dyn o Abertawe wedi cael dedfryd o garchar estynedig ar ôl cyfaddef i gynnau tân yn fwriadol.
Cyneuodd Christopher Sayce, 42 oed o ardal Port Tennant, dân yn The Wallich, Carlton Terrace, Abertawe rywbryd cyn 4pm ar 16 Tachwedd y llynedd. Tua 4.20pm, defnyddiodd Sayce ffôn talu i ffonio'r heddlu i gyfaddef i'r hyn yr oedd wedi'i wneud.
Achosodd y tân ddifrod sylweddol i un ystafell yn yr adeilad.
Plediodd Sayce yn euog i gynnau tân yn fwriadol yn y llys ym mis Rhagfyr.
Cafodd ddedfryd estynedig o chwe blynedd a phedwar mis yn y carchar.
Dywedodd y Ditectif Ringyll James Tincombe:
“Dechreuodd Christopher Sayce ei ymosodiad â thân ar ôl i aelod o staff y lleoliad wrthod rhoi sigarét iddo.
“Yn ffodus iawn, ni chafodd neb ei anafu o ganlyniad i weithredoedd peryglus Christopher Sayce.
“Mae'n amlwg yn peri risg i'r cyhoedd ac oherwydd hynny mae'n wych ei weld yn cael dedfryd o garchar estynedig.”