Carcharu tri dyn o Abertawe ar ôl cynllunio i ymosod ar gerbyd drwy losgi
Cynnwys y prif erthygl
Mae tri dyn o Abertawe wedi cael eu carcharu am gynllwynio i ymosod ar gar dyn drwy ei losgi.
Gwnaeth Gareth Charles, 44 oed, o Dreforys, Matthew Membury, 32 oed, o Bentrechwyth, a Gareth Rowe, 47 oed, o Glydach, dargedu'r dioddefwr i ddial am ddadl busnes.
Ar 13 Mai 2025, pwniodd Charles y dioddefwr yn ei wyneb ar ôl ei weld yn y stryd. Ym mis Medi, rhoddwyd cerbyd y dioddefwr ar dân yn Swansea Vale. Cafodd Charles ei arestio a daethpwyd o hyd i dystiolaeth o'r cynllwyn â Membury a Rowe ar ei ffôn symudol.
Plediodd Charles yn euog i ymosod drwy daro a chynllwynio i gynnau tân yn fwriadol / heb boeni a fyddai bywyd yn cael ei beryglu. Mae wedi cael ei ddedfrydu i 36 mis yn y carchar.
Plediodd Membury yn euog i gynllwynio i gynnau tân yn fwriadol / heb boeni a fyddai bywyd yn cael ei beryglu. Mae wedi cael ei ddedfrydu i 32 mis yn y carchar.
Plediodd Rowe hefyd yn euog i gynllwynio i gynnau tân yn fwriadol / heb boeni a fyddai bywyd yn cael ei beryglu. Cafodd ei ddedfrydu i 30 mis yn y carchar.
Dywedodd y Ditectif Ringyll Jonathan Holding:
"Roedd hwn yn gynllwyn gwirion a byrbwyll i ddial ar gyn gyflogai dros ddadl ariannol.
"Gallai gweithredoedd disynnwyr Charles, Membury a Rowe fod wedi achosi anaf difrifol i rywun, a byddent yn ymwybodol o hyn wrth gyflawni'r drosedd.
"Dylent feddwl o ddifri am eu gweithredoedd yn ystod eu hamser yn y carchar."