Carcharu dyn o Waunarlwydd am ddeng mlynedd am droseddau rhyw yn erbyn plentyn

Mae dyn o Abertawe wedi cael dedfryd o ddeng mlynedd yn y carchar ar ôl pledio'n euog i nifer o droseddau rhyw yn erbyn plentyn.

Dechreuodd Jack Barrett, 25 oed, o Waunarlwydd, sgwrsio â'r plentyn ar-lein cyn ei hannog i gyflawni gweithredoedd rhywiol. Nid yw'r ddioddefwraig o ardal Heddlu De Cymru ac felly ni wnaeth ryngweithio â Barrett wyneb yn wyneb.

Plediodd Barrett yn euog i'r achosion canlynol:

• Dau achos o achosi/ysgogi merch 13-15 oed i ymgymryd â gweithgarwch rhywiol
• Un achos o achosi plentyn 13-15 oed i wylio/edrych ar lun o weithgarwch rhywiol
• Un achos o gyfathrebu'n rhywiol â phlentyn
• Un achos o dorri gorchymyn atal niwed rhywiol

Cafodd Barrett ddedfryd estynedig o 10 mlynedd yn y carchar.

Dywedodd y Ditectif Gwnstabl Gemma McLean: 

"Defnyddiodd Jack Barrett wefannau cyfathrebu ar-lein i gymryd mantais o blentyn, gan wybod ei bod dan oed. Gwnaeth hyn gan wybod beth roedd yn ei wneud.

Datgelodd yr ymchwiliad hwn, a gynhaliwyd ar y cyd â heddlu arall, raddfa troseddu Barrett, ac mae'r ddedfryd sylweddol a gafodd heddiw yn dangos pa mor erchyll oedd ei weithredoedd.

"Mae'n llawn haeddu ei gyfnod hir yn y carchar. Dylid ystyried y ddedfryd hon yn ddull atal cryf, ac rydym yn annog unrhyw un sydd wedi dioddef cam-drin rhywiol ar-lein i ddod atom a'n helpu i ddod â throseddwyr i o flaen eu gwell."

Nid ydym byth yn diystyru pa mor anodd yw hi i oroeswyr cam-drin rhywiol siarad yn agored a rhoi gwybod am ddigwyddiadau o'r fath.

Ond rydym yn gobeithio y bydd achosion fel hyn yn rhoi sicrwydd y byddwn yn gwrando ar ddioddefwyr, yn eu trin ag urddas a pharch, ac y byddant yn cael eu cefnogi drwy'r broses farnwrol.

Os ydych chi wedi cael eich cam-drin yn rhywiol, ac nad ydych yn barod i roi gwybod i'r heddlu amdano eto, peidiwch â dioddef yn dawel. Gellir dod o hyd i gyfoeth o wybodaeth a manylion am wasanaethau cymorth yma.