Carcharu dyn o Bowys ar ôl ymosodiad â photel dros y Flwyddyn Newydd
Cynnwys y prif erthygl
Mae dyn o Bowys wedi cael ei garcharu ar ôl pledio'n euog i ddefnyddio potel i ymosod ar ddyn yr oedd wedi'i weld yn siarad â'i gyn-bartner.
Lansiodd Craig Cole, 27 oed, o Ystradgynlais, yr ymosodiad y tu mewn i glwb nos yng nghanol dinas Abertawe, gan adael y dioddefwr â phedwar clwyf ar dop ei ben, y bu'n rhaid gludo un ohonynt yn ôl at ei gilydd. Digwyddodd yr ymosodiad yn ystod oriau mân y bore ar Ddydd Calan 2025.
Plediodd Cole yn euog i Adran 18 clwyfo'n fwriadol ac mae wedi cael ei ddedfrydu i 30 mis yn y carchar.
Dywedodd Cwnstabl yr Heddlu Matthew McGowan:
"Mae Craig Cole yn ddyn ifanc a oedd yn amlwg yn eithriadol o genfigennus o unrhyw sylw yr oedd ei gyn-bartner yn ei gael.
"Roedd y genfigen honno wedi gwneud iddo ymddwyn yn dreisgar. Roedd ei weithredoedd yn gwbl annerbyniol a gallai fod wedi achosi niwed parhaus i'r dioddefwr.
"Anfon Cole i'r carchar oedd yr unig ganlyniad posibl."