Carcharu bwrgler cyson a gafodd ei ddal yn mynd o ddrws i ddrws mewn cyfres o droseddau
Cynnwys y prif erthygl
Mae bwrgler cyson a dargedodd nifer o gyfeiriadau yng Nghastell-nedd Port Talbot wedi'i garcharu.
Targedodd Lewis Wood, 35 oed, o Gasnewydd, gartrefi yn ardal Baglan, Castell-nedd Port Talbot yn bennaf ym mis Tachwedd a mis Rhagfyr y llynedd.
Ar 12 Ionawr, plediodd Wood yn euog i gyfres o droseddau, gan gynnwys dwyn cerbyd modur, gyrru tra roedd wedi'i wahardd, defnyddio cerbyd modur heb yswiriant trydydd parti, deg achos o ymgais i gyflawni bwrgleriaeth mewn annedd gyda'r bwriad o ddwyn, tri achos o gyflawni bwrgleriaeth gyda'r bwriad o ddwyn. Plediodd hefyd yn euog i dri achos o ymosod drwy daro yn erbyn dioddefwyr gwahanol.
Heddiw, 21 Ionawr, mae wedi cael ei ddedfrydu i gyfanswm o bum mlynedd a thri mis.
Dywedodd y Ditectif Gwnstabl Sam Tobin: “Lladron fel Lewis Wood yw'r math o bobl hunanol sy'n gwneud i bobl dda deimlo'n anniogel yn eu cartrefi eu hunain.
“Nid oedd Lewis yn poeni dim am unrhyw un o'i ddioddefwyr, ond bydd ei droseddau wedi cael effaith fawr ar eu bywydau.
“Mae bob amser yn dda gweld pobl fel Lewis Wood yn cael eu dwyn i gyfrif. Mae'n haeddu mynd i'r carchar.”