Dyn o Rondda Cynon Taf yn cael ei garcharu am fyrgleriaethau

Mae dyn wedi cael ei garcharu yn dilyn sawl byrgleriaeth ym mis Chwefror 2026.

Cafodd Gary Jones, 38, o Bentre'r Eglwys, Rhondda Cynon Taf, ei ddedfrydu i bedair blynedd yn y carchar ar ôl iddo gael ei euogfarnu.

Fe'i dedfrydwyd yn Llys y Goron Caerdydd ddydd Mawrth 6 Hydref lle newidiodd Jones ei ble o ddieuog i euog i dri chyhuddiad o fyrgleriaeth ac eithrio dwyn o annedd, un cyfrif o ddwyn cerbyd modur ac un cyfrif o feddu ar gyffur dosbarth A - cocên.

Mae hyn ar ôl i swyddogion gael galwadau ynghylch sawl byrgleriaeth ar ffurf taro adeilad â cherbyd ym mis Chwefror 2026. Dangosodd teledu cylch cyfyng ddau gar, sef Mitsubishi Colt ac yna Vauxhall Zafira, yn cael eu defnyddio i daro adeiladau; roedd y ddau gar hyn yn gysylltiedig â Jones.

Cafodd swyddogion wybod gan Heddlu Gwent fod Jones wedi dod yn berson dan amheuaeth am fyrgleriaeth yn eu hardal nhw. Mae arolygiad o deledu cylch cyfyng a gafwyd o Heddlu Gwent yn dangos bod Jones yn gwisgo'r un esgidiau ag yn y delweddau yr oeddem ni wedi'u cael.

Y diwrnod cyn arestio Jones gwnaed adroddiad bod beic modur wedi'i ddwyn, ac mae'n debyg bod y delweddau CCTV o'r drosedd hon hefyd yn dangos Jones a'r un esgidiau.

Ar draws y pedwar eiddo, gwnaeth Jones ddwyn nwyddau gwerth dros £18,000.

Dywedodd y swyddog sydd wedi bod yn ymdrin â'r achos, "Nid yw lladron fel Gary Jones yn poeni dim am yr effaith y maen nhw'n ei chael ar y busnesau. Bydd ei droseddu wedi cael effaith fawr ar eu bywydau."

“Mae bob amser yn dda gweld pobl fel Gary Jones yn cael eu dwyn i gyfrif. Mae'n haeddu mynd i'r carchar”